熱爆娛樂: [壹週刊 - 1291] 掟錢大搞　洗米華大婆　風騷抗 Mandy 洗米華,Mandy Lieu,Mandy,M1,

2014年12月4日星期四

[壹週刊 - 1291] 掟錢大搞　洗米華大婆　風騷抗 Mandy 洗米華,Mandy Lieu,Mandy,M1,

華嫂上週為美容生意，在澳門舉行開幕禮，佢谷胸晒身材及戴六百萬行頭現身外，仲有老友鄺美雲撐場。

探熱針

掟錢大搞　洗米華大婆　風騷抗 Mandy

Mandy Lieu搭上澳門賭業猛人、太陽娛樂文化老闆洗米華（周焯華）後，鬥心十足，不惜化身肉墊服侍，但回報高，收完億萬豪宅，再收大馬獨立屋，益埋娘家。

大婆有別二廠！唔使玩肉墊，照得老公長開水喉。周焯華為安撫正印，近日再掟錢讓華嫂陳慧玲搞生意。老公俾面，華嫂連日風騷抗小三，又拖女行山自拍，晒命！

肉墊事件曝光後，有指 Mandy Lieu即離開澳門，飛往台灣避風頭。

活躍嘅華嫂，搞完開幕禮抖都唔抖，翌日又孖住好友陳山聰兄嫂李碧君去法國美食會派對。

做飲食生意的她，當晚以會員身份出席該活動，並繼續以百萬珍珠首飾見人。

台灣伴遊

化身人肉坐墊，俾大碼頭周焯華任坐的鏡頭曝光後， Mandy Lieu即被高貴品牌嫌棄，列入不錄用名單。無工開！ Mandy Lieu樂得全天候拑實男友，早前又前後腳飛到台灣伴遊。

食得鹹魚抵得渴！華嫂陳慧玲耐力和 EQ都高人一等，對小三 Mandy Lieu高調踩界，均以不變應萬變。

上週華嫂出動六百萬行頭，現身有份話事的海洋中國開幕禮，又與好友、陳山聰的兄嫂李碧君，孖住出席法國美食協會派對，連日不停高調蒲頭。

帶女晒命

老公與 Mandy Lieu同遊台灣，繼續當冇事的華嫂，週日（十一月三十日）以仁愛堂總理身份，帶同跟老豆餅印一樣的女兒到西貢參與步行慈善活動，兩母女齊齊著住桃紅色波鞋現身，又不時在台下玩自拍。

當記者上前訪問，華嫂禮貌拒絕：「唔好意思，我今日唔做訪問！」

周焯華女兒十一歲，愛黐媽咪。開幕禮晚宴，她黐實媽咪周圍敬酒，寸步不離。

30/11帶女行山

上週日，她帶埋愛女來港出席步行籌款，並以風騷心情玩自拍。

華嫂有份揸 fit的海洋中國，當晚晚宴筵開十多席，招呼中港澳客戶，下嫁澳門銀行家的黃心穎胞姊黃心妙也是賓客之一。

華嫂同陳山聰兄長搞的有機果汁店，開幕當日周焯華有現身支持。

開喉維穩

Mandy Lieu收一億西半山豪宅再收大馬千萬獨立屋，明顯得寵；不過華嫂亦唔弱，尤其對老公緋聞處理得體，令她正印地位牢不可破。

老婆大方，老公周焯華更大方獎勵！開喉讓華嫂開有機果汁店「綠•廚房」，搞餐飲及辦託兒所「小太陽天地」後，近日再打本五千萬，讓她擴展澳門及內地的生意版圖。

「 Heidi（華嫂）份人好簡單，為個女同守住頭家。佢知華哥玩得有分寸，大時大節一定返屋企交人，所以從來唔問老公外面嘅事。好識體面，華哥亦好睇老婆台戲，無論 Heidi想搞乜，要幾多資金，都一定俾。

「 Heidi啱啱成立『海洋中國』搞美容生意，之後會開公關公司，仲會繼續喺澳門拓展佢嘅飲食事業，所有生意，華哥都出錢出力，俾足面老婆。」知情者說。