2014年12月4日 星期四

[壹週刊 - 1291] 24小時來回 阿 Sa飛北京餵仔 M1,




前一晚飛北京陪 William慶祝生日嘅阿 Sa,瞓一晚,第二朝就同助手撲返香港。

同你吟一吟

24小時來回 阿 Sa飛北京餵仔

因為大陸劇《古劍奇譚》, William陳偉霆失驚無神爆紅,就連 29歲生日(十一月二十一日),都要留响北京同佢口中班「女皇」粉絲過,唔返香港。

另一半終於有成績,阿 Sa當然還得神落!不過,從今以後,女尊男卑支歌冇得再唱; William生日前一晚(二十日),阿 Sa仲同助手靜靜雞飛上北京,陪男友慶生。

去到首都機場經特別通道離開嘅阿 Sa,返到酒店後全日冇離開過,但當晚 William要做兩個節目錄影,夜晚過晒十二點先返到酒店。

瞓一晚,第二朝(二十一日)壽星仔又要出去開工,阿 Sa就同助手一齊坐飛機返香港。其實二十二日就輪到阿 Sa牛一,但 William並冇北京香港一日來回囉!男尊女卑,已經開始。

因為連續要錄影兩個節目, William過晒十二點先返到酒店,即刻急急腳上房見女友。

返港當日,阿 Sa一去到機場即刻發微信向男友報平安,之後坐低食飯,繼續不斷傳短訊。

生日正日, William喺北京舉行大型生日派對演唱會,門票最貴要 980蚊人仔,但全場爆滿!

北京夜晚天氣得零度,依然有兩個 fans企街食西北風,向 William送上生日禮物(長髮女助手代收)。



鍾意就快D Share啦!
Related Posts Plugin for WordPress, Blogger...