全城熱爆的娛樂八封新聞 & 時事趣聞 & 生活 + 趣聞
兩個囝囝都著住卡通衫，媽咪黎淑賢件衫都有米奇老鼠圖案，一家三口親子裝。
黎淑賢同盧惠光離婚之後，再嫁俾美容醫生許智政，可惜因為出現小三，婚姻又再出問題。老公靠唔住，黎淑賢唯有寄情同許智政所生嘅一對寶貝仔。
上個禮拜二（十一月二十五日），黎淑賢帶住 7歲大仔 Aston同就快 3歲嘅 Martinus，三仔乸一齊去咗大坑，幫襯林子善開嘅龍鳳冰室。 食飽飽，兩個囝囝行出門口扎扎跳，黎淑賢第一時間捉實細仔，驚佢跳出馬路。做媽咪唔容易，做一個要睇實老公又要照顧好小朋友嘅媽咪，難上加難。
呢排天氣間唔中落雨，黎淑賢去便利店買定幾包便利雨衣，以備不時之需。
手袋用 Hermes，揸車揸 JAGUAR，黎淑賢嘅闊太生活，得來不易。
