2014年12月4日 星期四

[壹週刊 - 1291] 黎明心淡放棄衞蘭 衞蘭,黎明,M1,




A Music想衞蘭性感開騷,卻因瘦身進度未如理想,只能放棄。

探熱針

黎明心淡放棄衞蘭

剛在紅館開了兩場演唱會的衞蘭,雖然得老闆黎明俾機會再搞個唱,又有 Neway大手包飛,但銷情跟過往比較,大幅插水;加上近年寰亞老闆林建岳從政無暇打理娛樂生意, Leon見公司業績倒退,意興闌珊,有意唔玩,最近 A Music已解僱多名員工。翻身無望,衞蘭「被放棄」,唯有搭路走人!

減極唔瘦

持續發脹,被黎明送入雪櫃的衞蘭,年中獲老闆解凍,並答應讓她再開演唱會,可惜,衞蘭的人氣已大不如前。

「其實 Neway都幫手包咗唔少飛,公開賣嘅門券好有限,但開騷前都未賣晒。」知情者說。

被黎明形容肥過部電單車,演唱會前,衞蘭收公司柯打要減肥,但貪食的她根本唔想減。

「 Leon已經叫咗阿 Joe(陳善之)睇住 Janice,要佢地獄式減肥,等佢影 poster可以靚啲,仲構思埋拍《八九十》 MV有出浴鏡頭,希望幫 Janice製造一個驚喜俾啲 fans,但佢好唔積極,根本瘦唔到,最終 MV要改,演唱會啲歌衫亦要遮遮掩掩,搞到大家好失望!」一名 A Music員工說。

衞蘭被安排與電單車出場,十分諷刺。

早前為演唱會綵排,公司無安排車接載衞蘭,出入只乘的士。

A Music近日炒了多名員工,衞蘭亦由新助手陪開工。

自然流失

林建岳與黎明合組的 A Music,近幾年業績大倒退,旗下藝人買少見少,據了解,黎明亦心灰意冷,唔再簽人,包括衞蘭。

「 A Music已經無再簽人,仲有約嘅,亦唔會續約,公司最近炒咗幾個員工,大家人心惶惶, Janice都收到風,知道無得留低。」

上月尾(廿九、三十日)的兩場演唱會,黎明無影,對被老闆笑肥過部電單車,衞蘭亦坦言有唔開心:「 Leon講嘢好多層次,或者我五年後會明!」

預咗要走,衞蘭唔使客氣!

快將開演唱會的 Sammi,難得為衞蘭上台,更讚對方很 cute。

欣宜做衞蘭演唱會嘉賓,笑稱自己肥過坦克車來安慰衞蘭。

歌衫全部密實,更加無乜線條。

一人公司

04年,黎明與林建岳合作成立 A Music,全盛期有杜汶澤、衞蘭、衞詩、陳小春等藝人; 06年更有天后楊千嬅加盟,但因與黎明經常意見不合,加上公司將大部分資源集中谷衞蘭,三年合約期滿後,楊千嬅即閃。

有指黎明對旗下歌手全面監控,連私生活都插手,一人話事,令不少歌手頂唔順走人。今年公司開年飯,除了衞蘭,稍有知名度的李治廷、陳小春全線缺席,一度是黎明愛將的 Janice Man,亦於今年中轉投太陽娛樂文化。



鍾意就快D Share啦!
Related Posts Plugin for WordPress, Blogger...