[壹週刊 - 1291] 豪門嫁女 何超瓊契女曾昭怡結婚 俞琤幫手過大禮 超瓊,俞琤,何超儀,何超,何超瓊,M1,

曾家與何家是世交，自小便契了何超瓊為契媽的 Natalie，甚得契媽歡心，過大禮當天，何超瓊與密友俞琤齊齊幫手。

探熱針

豪門嫁女　何超瓊契女曾昭怡結婚　俞琤幫手過大禮

何超瓊契女、富商曾文豪長女曾昭怡（ Natalie）明年一月十一日，與拍拖七年的郭姓男友 Justin結婚，曾文豪初次做外父，女兒出嫁，一切豪華，有專人做婚禮統籌外，契媽何超瓊與密友俞琤一齊蒲頭幫手過大禮，大陣仗！

極盡豪華

一吻定情一世，祝 Justin與 Natalie白頭到老。

在新西蘭坐直升機到山峰自拍，夠晒氣派！

Justin與 Natalie這張婚紗照好有氣勢，是攝影師從直升機高處拍下。

去年十二月十一日， Justin在 Natalie家中放置 Marry Me的燈箱，向女友求婚成功。

婚紗相上天下海

去年十二月，男友 Justin向曾昭怡求婚成功，豪門婚宴，花一年時間做籌備。

「曾文豪第一次嫁女不知幾緊張，佢好錫 Natalie，乜都要做到好好睇睇。由去邊影婚紗相，過大禮揀邊日， Natalie契媽何超瓊開心到好似自己嫁女一樣，參與意見，過大禮嗰日，佢同俞琤仲落場幫手，成三十幾人喺曾家大宅，不知幾熱鬧。」知情者說。

單是影婚紗相，便花近百萬，十足拍電影，有齊上山下海畫面。

「幫佢哋影婚紗相嘅公司喺新西蘭好出名，影相嘅地方都係圍繞喺新西蘭，又要出動直升機上山頂最尖個位，對新人又要跳傘，好似拍戲咁好誇張。 Natalie同媽咪、 Justin再加一個朋友四個人去，影相同玩去咗十幾日，但啲相真係好靚，所以都值得。 Natalie之前已經搞咗個姊妹韓國單身團，請咗八個由細玩到大嘅老友做姊妹，除咗親細妹外，仲有邢嘉倩、吳雨霏等人。」

除了兩個親妹外， Natalie找來八個從小玩到大的老友做姊妹團，早前更組單身女子團到韓國玩，不亦樂乎。

雙方家底有距離

一對準新人拍拖七年，據知 Justin出身小康，與女方家底有一段距離。「 Justin七年前喺聖誕派對識咗 Natalie，之後就一齊。讀建築嘅 Justin屋企雖然係普通人家，但佢好上進好勤力，而 Natalie自己都唔係鍾意靠父蔭，所以佢讀法律，性格一啲都唔似富二代，兩家人都好鍾意大家，完全冇因為家境唔同有距離。」知情者說。

因為契媽何超瓊的關係，所以 Natalie與俞琤、劉嘉玲很老友。

林青霞是曾文豪的朋友，所以她的女兒邢嘉倩是 Natalie的兒時玩伴，林青霞大壽當晚， Natalie與契媽何超瓊結伴出席。

飛新西蘭時， Natalie與媽咪在機場巧遇老友楊紫瓊，順道拍照留念。

曾文豪首次嫁女，男方雖然出自小康之家，但出手很闊綽。

鍾意就快D Share啦！

下一篇 》