2015年1月2日 星期五

[忽然1周 - 1014] 獨家捕獲 吳君如秘密武器 梁洛施扮嫖客霆鋒做鴨 霆鋒,吳君如,君如,梁洛施,謝霆鋒,MW,




OL打扮叫鴨

下午 5時許 Isabella連戲服都唔換就閃,粉紅恤衫加黑色長靴,看來她是客串做斯文嫖客。離開時,她手上還拿着一個澳洲童裝品牌 seed bo購物袋,相信她為囝囝專誠選購新裝。

滾熱辣

獨家捕獲 吳君如秘密武器 梁洛施扮嫖客霆鋒做鴨

賀歲片是片商必爭的檔期,吳君如為了拍賀歲片可以去到幾盡?答案係好盡。為了在《 12金鴨》演「鴨王」,她黐上假腮骨、假喉核,甚至裝埋假陽具,還勁碌人情卡。除了有古天樂出錢投資及擔演其中一隻鴨之外,原來君如仲有秘密武器。上周六( 12月 27日)本刊獨家拍到 Isabella梁洛施現身觀塘開工,打扮成 OL客串做女嫖客。翌日( 12月 28日)謝霆鋒亦粉墨登場做鴨,在黃大仙一間小學拍外景。連埋之前已曝光的演員陣容,一個字講晒,勁!

吳君如近年為拍賀歲片不遺餘力,繼去年《金雞 SSS》特別請來特技化妝師,為她倒模 38G巨胸後,今年的《 12金鴨》她更不惜反串扮男妓,專登減磅,方便加工胸肌、腹肌及人魚線,臉上還黐上假鬚、喉核及腮骨,凸顯男人味。

俾甜頭 Isabella經理人

《 12金鴨》正趕拍得如火如荼,拍攝場景遍布港、九。上周六( 12月 27日),本刊記者於觀塘道 One Pacific Centre的 Fitness First健身室見到劇組蹤影,更發現一直長居多倫多的 Isabella梁洛施在場。據知情人士透露:「君如套新片題材敏感,講到明放棄內地市場,今次佢想落足力搵啲夠卡士又有神秘感嘅藝人客串。之前拍電影宣傳片,君如搵咗老友盧覓雪去台灣同舞男跳辣身舞,事後盧覓雪就 line up請 Isabella出山。」

認真對戲

上周六( 12月 27日), Isabella現身觀塘的 Fitness First健身室。埋位前她與君如不時對戲,非常認真。

鴨王騷肌

為了扮鴨,吳君如犧牲色相,一身假肌肉看似好威猛,其實她每日裝身開工對住男化妝師不知幾咁尷尬。

健身室享受古仔

Isabella近年長留加國照顧三子,盧覓雪則擔任其經理人。去年中 Isabella宣布復出幕前,不過接 job非常嚴謹。早前她與恩師詹瑞文演出舞台劇及台灣電影《念念》擔任主角,今次願意在《 12金鴨》客串,全因盧覓雪的牙力及君如的誠意。知情人士指:「盧覓雪拍晒心口叫 Isabella返嚟拍,一嚟可以喺香港市場試吓水溫,二嚟有君如呢張人情牌,對之後全面復出都好辦事。而且君如真係好有誠意,包晒 Isabella來回機票之外,仲包埋佢 3日洲際酒店嘅住宿。搵得 Isabella做嫖客,安排俾佢嘅對手就梗係有番咁上下」

早前,本刊記者在中環碰到盧覓雪在「鳩嗚」。問到她今次會否在片中與古天樂再續前緣?她笑指:「古仔我上次試過今次留番俾啲更有分量、更特別嘅人」而上周六拍攝 Isabella的戲份,記者看見古天樂亦在場,相信 Isabella就是盧覓雪口中「更有分量、更特別嘅人」。

當日下午 5時許, Isabella完成拍攝後離開。正當她登上七人車時記者上前採訪她,經理人盧覓雪上前「護駕」,表示不會回應,不過 Isabella依然友善,以微笑作回應。

去年 9月, Isabella於台灣拍攝張艾嘉執導的電影《念念》時,傳與張的兒子 Oscar王令塵撻着。 Isabella今次為了拍君如的新片,除了放棄與三子共度聖誕節外,亦冇得見男友,認真俾面君如。

盧覓雪護駕

鏡頭前的盧覓雪是玩得之人,變身 Isabella經理人後的她變得鐵面無私。記者上前想問 Isabella幾句,她即出手擋駕。

入住洲際酒店

Isabella今次返港 3日入住尖沙嘴洲際酒店,據知是由君如包住宿及機票,非常有誠意。

小休扯雪茄

周日( 12月 28日),謝霆鋒現身黃大仙為《 12金鴨》開工,戴上黑框眼鏡的他官仔骨骨,一落車就拿出大披肩保暖。其後等埋位時他上保母車小休,扯住雪茄非常嘆。

本身已育有兒子李長治的 Isabella, 2010年誕下孖仔後便長駐多倫多湊仔。去年她復出,坦言為工作要周圍飛,很掛念囝囝。

陳可辛幫妻一把

雖然君如希望盡量把《 12金鴨》的演員陣容保持神秘,但星光熠熠的名單也逐一曝光,包括 Isabella、古天樂、盧覓雪、容祖兒、劉浩龍及 Baby John蔡瀚億等。早前君如再向老公陳可辛求助,要求他幫手游說影帝級的謝霆鋒做串星。據知情人士透露:「做得影帝嘅,君如差唔多都搵過晒,唯一一直冇合作過嘅係霆鋒。不過佢同霆鋒唔太熟,加上霆鋒好顧形象,最初死都唔肯做鴨。但當年陳可辛拍嗰套《十月圍城》令佢攞咗『最佳男配角』,伯樂開到口當然冇問題君如仲應承安排個角色唔使霆鋒露肉,做文戲就 ok!」

周日( 12月 28日),謝霆鋒現身黃大仙竹園邨一間小學。埋位前他大老闆上身,留在保母車上休息,勁扯雪茄,更不時與監場的陳可辛密斟。《 12金鴨》有 Isabella及霆鋒撐場,絕對是賀歲檔期值得期待的其中一部電影。

老爺駕到

雖然今次陳可辛未有參與《 12金鴨》任何製作,但他精神上支持老婆吳君如,周日( 12月 28日)他帶埋父親到黃大仙探班。

君如老爺陳銅民駕到,逗留近半小時才離開。曾於 60年代擔任編劇的他,當日到場探班,唔知有冇向新抱教路呢?

萬歲到會開 P

吳君如大打人情牌請老友撐場外,對劇組亦相當闊綽。日前大搞聖誕派對,又自掏萬元叫到會。

繼去年人造 38G巨胸後,今年君如再以特技化妝人造胸肌,化妝時她要全裸面對化妝師。

嫖客鴨仔卡士勁

君如今次碌盡人情卡,一吹雞就千呼百應,不少圈中朋友都樂意在片中客串一角。講明拍金鴨,角色離不開演男妓同女嫖客,加埋君如擔正做鴨王,今年的賀歲片,《 12金鴨》勢必矚目。

金鴨陣容:

古天樂、劉浩龍、姜皓文、 Baby John、周柏豪、任達華、黃偉文、謝霆鋒等

上月 9日,本刊率先拍到任達華的懷舊造型。

為了令男友有份擔正做鴨,容祖兒答應做嫖客。有指君如安排劉浩龍服侍她。

嫖客陣容:

陳妍希、容祖兒、王菀之、梁洛施、盧覓雪等



鍾意就快D Share啦!
Related Posts Plugin for WordPress, Blogger...