掃呢頁CODE去手機

2015年2月12日 星期四

[壹週刊 - 1301] 三級導演刪情慾戲 齊昕淆底 齊昕,梁齊昕,BKD_S,M1,




李逸朗在片中飾演齊昕男友,二人本來有大膽床戲,現在電影公司淆底刪去。

探熱針

三級導演刪情慾戲 齊昕淆底

懶理狼、蝦反對,決定要 Be yourself、做自己的特首女梁齊昕,人類已經阻止唔到佢想入娛樂圈做明星的決心,因為稍後齊昕將會同專監製三級片如《四度誘惑》、《人頭豆腐湯》等的導演劉俊輝合作,接拍有大膽床戲的新片《男極探射燈》(暫名),進軍大銀幕。

雖然齊昕拍心口話已取得父母同意,但電影公司驚有人唔高興,決定改劇本減肉搏場面,避免秋後算賬。但齊昕仍然淆底,週二(十日)臨時甩底新片記者會。

夥拍李逸朗

梁齊昕承認與父母價值觀差異太大,激到兩老幾乎心臟病,但愈壓迫、愈反抗的齊昕,一心只想入娛樂圈做明星, 689老豆根本阻止唔到。

由於身份特殊,齊昕今次袋六位數字酬勞,接拍愛情喜劇《男極探射燈》,電影中她飾演愛心社工,男主角是憑「哭腔傻女」人氣反彈的李逸朗,其他合作演員還有陳惠敏、曹查理、樓南光、黃光亮、苑瓊丹和林子善等,而演慣社團人物的陳惠敏,將飾演齊昕父親。可是她臨時缺席記招,拍唔拍得成仍是未知之數。

齊昕話父親曾勸她言論不要太出位,如今她同三級導演劉俊輝合作,不知特首有何感想。

週二(十日),電影公司發出通告指齊昕擔正的新片在傍晚開記者會,但她淆底缺席。

怕有手尾跟

對於片中有大膽情慾戲,齊昕並不抗拒,但電影公司愈諗愈淆底,為免日後有麻煩,決定刪減所有情慾場口。

「齊昕鬼妹性格,覺得拍床戲冇所謂。不過電影公司驚有人唔開心,就算齊昕敢演,佢哋都唔敢拍!其實同齊昕傾合作佢係好爽快,但呢幾日佢同特首夫人去咗外地玩,未試好晒造型,搞到電影公司好緊張,加上佢以前試過『被失蹤』,呢幾日又 close晒所有社交網站賬戶,就算佢話得到父母同意,電影公司都驚最後拍唔成。」知情人說。

週二(十日)舉行新片記者會,但尚欠齊昕。她自稱身體不適,所以缺席。

日前齊昕未為新片試造型,就跟母親去外地旅行,令電影公司大為緊張。有網友指她和母親乘坐的 AM車牌政府車在機場離境大堂外的旅遊車專線落客,質疑二人公然違例。但特首辦指特首夫人的專車領有禁區許可證,隨時可在禁區上落客。

自薦做模特兒時,齊昕曾拋胸影相,難怪初時聽到要拍床戲都面不改容。

人類已經阻止唔到齊昕做明星的決心,見她自拍素顏泳衣照就知她自信爆燈。



近日齊昕一度被失蹤,網民群起要求「釋放齊昕」,之後重獲自由的她現身中環。

李逸朗:一齊唱哭腔

在片中有幸飾演齊昕男友的李逸朗,原來一直不知女主角是誰。

「電影公司話俾個驚喜我。(而家驚喜嗎?)好驚喜,好特別。(聽講刪咗好多肉搏戲喎!)唔知,劇本未出晒!(驚唔驚特首嬲?)我聽導演安排,其他控制

唔到。」

至於到時會否同齊昕合唱哭腔,李逸朗說:「到時感情嚟到,係唔會避開唔唱。(合唱主題曲?)我都好想,如果你哋都想,我可以反

映吓!」

將與齊昕有不少對手戲的樓南光則說:「諗唔到齊昕真係拍戲,到時都會照顧吓佢。(部戲有肉搏場面係咪三級?)冇講過係三級片,不過睇啲卡士有曹查理,哈哈哈,起碼係二級半,齊昕天生食呢行飯,性格反叛,思想又創新,都幾另類,不過套戲三、四月先開。」

而飾演齊昕父親的陳惠敏亦坦言非常期待:「佢都靚女,都有睇頭嘅。」

齊昕情緒時低落時高漲,其實特首夫人非常細心照顧她,可惜性格反叛的她不太受落。

在英國讀書多年,齊昕十分獨立,不但單拖傾片約,平日更坐港鐵周圍去。

齊昕最滿意自己條腰,笑稱所養的雪橇犬逼她跑步,所以令她的運動量非常大。

梁齊昕一向愛追星,曾跟妹妹梁頌昕去後台探城城,當時齊昕仍未變靚啲,跟妹妹十分似樣。

變靚 D

齊昕話過唔介意整容入行,事實上,她的確愈變愈靚,由扁鼻、 pizza面,變成間尺鼻、瓜子面。

扁鼻

間尺鼻

pizza面

尖面

鍾意就快D Share啦!