2015年3月20日 星期五

懶理向太栢芝周圍去 [忽然1周 - 1025] 向太,陳嵐,栢芝,MW,



向華強同太太一直視栢芝如親生女,每次有事發生都第一時間幫佢撐。今次大義滅親,睇嚟栢芝都好難再翻身。

媽咪姐

懶理向太栢芝周圍去

平時唔多出聲嘅中國星老闆向華強,前兩日忽然罕有接受訪問,開晒名要飛張栢芝出局,話佢鬧情緒、失場、扮大牌仲有喺片場鬧工作人員。佢話就算電影《 3D封神榜》開咗兩個月,寧願蝕錢都要同栢芝斬纜,鬧佢「反轉豬肚就係屎」冇得救。








搞到咁,向太都好自責,話當初一意孤行想幫栢芝,點知佢連電話都唔聽,好無奈。媽咪姐打過俾向太,但佢聽到栢芝個名,就話:「哎!我唔得閒。」就收線!

之但係咁,激嬲向生同向太前一個禮拜,栢芝仲心情好靚,帶住兩個仔去新加坡 shopping,之後返香港又去北京同上海,隔日喺機場出現,仲俾唔少粉絲捕獲合照。向太農曆新年封咗 211萬大利是俾栢芝,有錢仲唔周圍去 fing咩!

向太喺周三聽到栢芝聲明回應:「佢咁失控,唔通我每日都跪地求佢?唔通我要一路拍一路驚?一路叫佢簽番張收據合約,都唔肯簽。栢芝太傷我心。」

周三發聲明

周三( 18日)黃昏,栢芝同佢經理人公司 AEG新亞洲娛樂同時發聲明,話「可能係誤會」同尊重佢哋嘅決定。不過向太回應話:「絕對唔係誤會。」同埋已收番栢芝退回 195萬片酬嘅支票。

早前栢芝帶埋兩個仔飛新加坡,一落機即刻去商場掃貨,買咗好多戰利品。向太只寄語栢芝:「人生路仲好長,為咗佢同兩個仔,改吓啲脾氣。」

享受被捕獲

9/3

之前話要喺新加坡定居嘅栢芝,又飛番去 shopping,日日喺商場俾人捕獲合照。

12/3

呢日返咗香港嘅栢芝,為 Heart panda去咗四季酒店嘅泳池影相。當日佢仲未知自己就快俾向生叮走。

14/3

玩咗成個禮拜,栢芝終於飛返北京拍戲。喺香港機場行免稅店嗰陣,當然唔少得俾強國同胞集郵

15/3

栢芝忽然飛北京話要開工。有工作人員集郵後就喺微博讚佢:「有幸見到張栢芝,據說人美又沒架子,希望她一直美下去。」

鍾意就快D Share啦!
Related Posts Plugin for WordPress, Blogger...