掃呢頁CODE去手機

2015年3月20日 星期五

為捧自家品牌  Stephy出錢出力打排球 [忽然1周 - 1025] Stephy,鄧麗欣,MW,



素顏任影

周日( 15日),鄧麗欣現身旺角花墟球場,帶領球隊參加女子丙組資格賽。可惜最後賽敗,連初賽都無緣晉級。素顏的她為了谷自家品牌,對記者採訪毫不抗拒。

娛樂喧

為捧自家品牌  Stephy出錢出力打排球

鄧麗欣( Stephy)近年主力北上發展,除拍劇搵人仔,去年還進軍時裝界,斥資 7位數字成為 14間內地時裝品牌的老闆娘。曾是港青排球隊成員之一的 Stephy,去年決定出錢搞球隊參加公開賽。球隊以自家品牌「 Loey」來命名, Stephy仲做埋隊長,既可圓其排球夢,又可為自己的品牌宣傳,一舉兩得。

男友方力申有「飛魚王子」之稱,近年亦有組織籃球隊打比賽。二人同樣有運動細胞,志趣相投到這個地步,真是天生一對。



其他影片:>>Stephy處女輸波






周日( 15日) Stephy以素顏現身旺角花墟球場,帶領球隊「 Loey」參加《 2015年第三十五屆全港公開排球錦標賽》女子組丙組的資格賽,有姿勢有實際的她雖為球隊拿下不少分數,但最終都落敗,無緣晉級。

破天荒上節目

方力申與鄧麗欣早前第一次以情侶檔上節目,又在節目上大談兩個第一次約會、第一次 kiss的經過。

爭住做隊長

現場所見, Stephy打足兩場賽事,仍不肯退下火線休息,與隊友商討戰術的時候,她還意見多多。甚至在教練面前,她都甚有大家姐風範。據知情人透露﹕「其實佢喺隊中球技唔係最強嗰個,有幾個球員經驗多佢好多。但佢恃住自己係球隊老闆娘兼曾經打過港青,所以爭咗隊長嚟做,好多嘢都係佢話晒事。」

大家姐姿態

身為球隊老闆兼隊長的 Stephy,在隊中甚有大家姐風範。開場前更與在旁的粉絲們揮手,果然好識 do!

上手開波

Stephy以上手發球,其開波甚有殺傷力。

輕功攔網

當 Stephy想出蠱惑輕輕攔網時,敵對隊員早已看穿,企定定等接 Stephy的蠱惑波。

紮馬一傳

Stephy不愧是( N年前)前港青隊隊員,睇佢接一傳個馬都紮得幾穩。

騎呢扣殺

擔任「大槌手」的 Stephy,獲二傳手大量傳球給她扣殺,不過她扣殺的姿勢就有點騎呢!

想打入本地市場

據知 Stephy中學時已開始打排球,後來更成為香港青年排球隊隊員,因為加入娛樂圈和患「拇趾外翻」,她才放棄排球夢。大前年她已經成功完成了拇趾外翻手術。為了圓排球夢,除了親自招攬球員加入球隊,更以自家品牌「 Loey」來命名,及支付球隊所有支出。她曾表示﹕「我想幫個品牌做多啲宣傳,因為香港冇分店,冇渠道俾顧客接觸。」

知情者續透露:「終於俾佢諗到用自己品牌贊助兼做埋球隊名,乘機喺香港宣傳。等個品牌更多人識,就會同國內嘅合作單位建議開拓香港市場。」難怪當日素顏的 Stephy對前來採訪記者毫不抗拒,做足十多分鐘訪問。她說:「因為仲係好鍾意打排球,所以成立自己品牌『 Loey』嘅球隊,球員全部本身唔識嘅。我仲好有體力,希望隊波第時可以打入乙組,甚至甲組。」

圈中小富婆

Stephy除了以 6萬元月租大埔比華利山別墅作居所外, 09年更斥資 720萬購入香港仔南灣御園一個高層 937平方呎單位(右),單位現時升值至逾 1,000萬元。

13年 Stephy在車行試完價值 120萬的波子,便即場買下,現在波子上還掛住「 SF」( Stephy Fong)字頭的車牌,可見她做硬方太。

唔急做方太

據知現階段, 31歲的 Stephy絕對以事業為重,即使一直有傳她和方力申已秘密註冊,但兩人一直否認。早前方力申在大台節目中更表明自己大唔透,仍未有心理準備成家立室,或者生兒育女。男嘅未定性,女嘅仲想搵錢,襯到絕!

榮升「鄧總」

鄧麗欣去年斥資 7位數字,以股東身份加盟深圳百冠服裝有限公司,合作推出全新品牌「 Loey」。在短短一年間,已開了 14間分店,朋友間都以「鄧總」來稱呼她。

而品牌名稱「 Loey」的由來,是源自愛( Love)、着迷( Obsession)、享受( Enjoy)及年輕( Youth)。

人肉生招牌

升格為鄧總的 Stephy,親自上陣拍攝廣告硬照(右)及 catalog(左),平時亦會穿自家品牌出席活動,既慳皮又收宣傳之效。

分店遍布內地

「 Loey」在深圳、重慶、河北及湖南等地合共有 14間分店。於上年 11月, Loey在深圳開了最新分店。

走高價路線

品牌設計分優雅、時尚、休閒及派對四個系列,價格定在 500-2000人民幣,在內地屬高價路線。

鍾意就快D Share啦!