全城熱爆的娛樂八封新聞 & 時事趣聞 & 生活 + 趣聞
瞓地梁漢文睇唔過眼，殺球順勢打向林敏驄塊面，佢就詐死倒地， Eric Kwok見佢扮晒嘢，埋去踩多腳。
林敏驄不嬲口臭，之但係佢連做電影宣傳，都衰口痕，亂講嘢搞氣氛，就真係無聊咗啲囉。好似最近佢同何超儀、鄭伊健、梁漢文仲有 Eric Kwok宣傳新片《全力扣殺》，又嚟搞事喇！
媽咪姐呢日去咗灣仔嘅室內運動場睇佢哋同前國家隊「羽球一姐」王琳切磋球技，林敏驄今次冇再笑何超儀打波跳唔起，但就夠膽對「一姐」王琳手多多，忽然從後攬對方。雖然冇真係掂到，但就嚇到見慣大場面嘅一姐「吖」咗一聲。其他演員雖然知佢想搞氣氛，但忍唔住連成一線，組隊向林敏驄攻擊，球球對正佢「殺」落去，呢啲咪正宗攞嚟衰囉。
霸位唔夠幾分鐘，前國家隊「羽球一姐」王琳打緊波嗰陣，林敏驄無啦啦拎張摺櫈經過。
拎櫈林敏驄不嬲麻煩，一落場就企上裁判櫈，最後俾人請佢落番嚟，樣衰。
熊抱跟住仲過分，忽然從後抱王琳開球，嚇到對方驚叫。
林敏驄之前去北京宣傳嗰陣，已經開口扱着脷，寸何超儀身形，打波「跳唔起」。
