掃呢頁CODE去手機

2015年3月20日 星期五

阿女真空拍牀戲 黃日華:唔知佢拍! 黃芷晴[忽然1周 - 1025] 芷晴,黃日華,黃芷晴,MW,



真空黐膠紙

一向 sell開清純無添加嘅黃芷晴,為求攻內地殺出血路,連剝衫牀戲都接。拍牀戲當日,芷晴入面只用膠紙黐心口,下身着底褲,外包毛巾,真係搏到盡。

媽咪姐

阿女真空拍牀戲 黃日華:唔知佢拍!

港視前路茫茫,藝人走吓一個,走吓又一個。黃日華囡囡芷晴 5月約滿離巢,不過臨走前公司幫佢接咗套喺珠江頻道播嘅 60集內地劇《只有情永在》,重點係第一次擔正做女一。據聞佢每集酬勞有 8千蚊,即穩袋 50萬。難怪今次佢濕吻、牀戲都肯接

佢同港視拍檔陳堃拍牀戲當日,披住毛巾裏面真空嘅芷晴睇落有啲緊張,硬晒軚咁拍咗幾 take先投入到。媽咪姐事後問佢有冇同老竇備案,佢竟然話:「未呀!諗住拍完先同佢講咋!」嘩!女大女世界喎!

緊張硬晒

芷晴同陳堃同樣將「第一次」獻俾對方,所以兩個都好緊張,試極位都唔順暢。

劇組知道芷晴怕醜,刻意預備一條超大毛巾俾佢,冇咁易走光。可惜毛巾卻一路跣,芷晴險失守。



芷晴同陳堃將約滿港視,但臨走前卻有機會攻大陸市場,都算係好開始。

雖然演藝事業前景未明,但芷晴早前就成立自家手工藝品牌「 OH MYDEER」,賣自己設計嘅飾物同恤衫,自力更生。

瞞住老竇

黄日華一聽到阿女拍牀戲,即時大反應:「我唔知佢拍喎!」睇見相後,先鬆口氣:「咁……都叫有着衫嘅!唔太過分就得。」爸爸!呢套唔係三級片,你係咪諗多咗?

鍾意就快D Share啦!