全城熱爆的娛樂八封新聞 & 時事趣聞 & 生活 + 趣聞
周一晚（ 16號），（左起）梁漢文（梁炳）、黃家強、蘇永康（阿公）同任賢齊，四個「不老的男人」喺大岳娛樂春茗宴，宣布組成「男人幫」拍住開騷，出唱片，甚至拍戲。實行有錢齊齊搵。
人哋話男人比女人襟老，真係冇講錯㗎！就算媽咪姐自認 keep得幾咁好，都唔夠班男人咁勁。呢班「男人幫」入面，最後生嘅梁炳今年都 43歲，真係估佢唔到；黃家強今年過半百，驟眼望過去，仲係成個花𡃁咁。
媽咪姐唔順氣，摷番佢哋 15年前嘅相比對吓，真係唔到你唔服，名副其實美魔男呀！
28歲男人真係好（襟）睇，梁炳呢個樣完全冇變過，真係羨慕死媽咪姐呀！
33歲小齊即係小齊，想當年副 body fit到爆，對比依家只係少咗份成熟穩重嘅感覺。
35歲最令人嚇一跳嘅係黃家強，佢 64年出世，換句話已夠 50歲喇！但個樣冇變過。勁！
33歲蘇永康永遠走喺時代尖端， 15年前佢嘅衣着已經好前衞喇！
