全城熱爆的娛樂八封新聞 & 時事趣聞 & 生活 + 趣聞
張丹峰會合老婆洪欣後，佢哋就行去屋企附近搵食，但經過幾間餐廳都揀唔啱。
好多 80後成日呻樓價高，死慳死抵都買唔起。計媽咪姐話，佢哋應該學吓洪欣啦。咪睇佢呢兩年專心湊女冇再接戲，淨係靠北上登台搵食。而老公張丹峰亦唔見得好多 job，只係一年一劇。
呢日媽咪姐喺跑馬地撞到洪欣，等去咗睇醫生嘅老公返嚟接佢之前，就單拖去咗地產舖格價，佢仲專睇約 7百呎兩房單位。睇嚟佢見囡囡已經 1歲，係時候搵間再實用啲嘅屋，等一對仔女可以有個舒適嘅成長空間
洪欣真係廿四孝阿媽，囡囡只係得 1歲，佢就開始睇樓，但睇嚟睇去都係跑馬地附近，應該係貪個校網好。
自從囡囡晞彤喺上年出世，張丹峰、洪欣同囝囝浩鋒過着一家四口嘅生活。唔知係咪依家住緊間屋逼咗少少，所以想換大啲呢？
