全城熱爆的娛樂八封新聞 & 時事趣聞 & 生活 + 趣聞
阿 Sa喺大阪亞洲電影節拎咗「特別表揚獎」，同佢拍《雛妓》嘅任達華，開心到錫佢一啖，比自己攞獎仲興奮。
話咁快就嚟到下個月舉行嘅「金像獎」喇！媽咪姐都好緊張，到底邊個會做「影后」呢？賽果雖然仲要等多陣，但媽咪姐今次買重阿 Sa（蔡卓妍）㗎！話晒佢喺《雛妓》演得夠放，又接近冇底線，突破過去嘅角色，真係令有要求嘅媽咪姐眼前一亮。
前幾日，喺日本大阪舉行嘅「第十屆大阪亞洲電影節」，阿 Sa憑呢套電影擸咗「特別表揚獎」，認為佢嘅角色橫跨十年，表現到唔同層次嘅深度，擺脫偶像包袱。俾外國人咁讚，聽落都覺得威威呀！可惜喺呢日阿 Sa要去戲院謝票，唔可以親自飛去領獎，仲話：「冇諗過日本有人留意我。」真係謙得佢吖。
呢排忙住四圍去戲院謝票嘅阿 Sa，冇飛去大阪親自領獎，只能拜託《雛妓》導演邱禮濤（右）做代表。
為咗呢部電影阿 Sa真係豁出去，睇佢除底褲呢下，七情上面幾有戲呀！
睇好你㗎阿 Sa，加油！
