掃呢頁CODE去手機

2015年3月20日 星期五

邱德根病逝 契女黎燕珊:好遺憾 [忽然1周 - 1025] 邱德根,黎燕珊,MW,



邱德根最後一次露面,係 14年 10月出席馬場活動。

媽咪姐

邱德根病逝 契女黎燕珊:好遺憾

前亞視老闆邱德根喺周二( 17日)病逝,享年 90歲。媽咪姐早幾年同邱生見過面,當時佢 83歲,身體好好,仲好豪氣話:「我唔戒口㗎,做到 85歲先退休。」而當時佢係接受契女黎燕珊嘅訪問。

雖然佢哋冇正式上契,但感情就好似父女一樣。仲記得黎燕珊當年嫁劉永嗰陣,有傳契爺唔 like劉永,但最終都俾面契女出席婚宴,所以黎燕珊喺 2008年復出娛圈返亞視時,邱生指明只接受佢嘅訪問。 2009年黎燕珊重組「仁美清敍」時,邱生都非常支持,難怪黎燕珊話:「冇邱生就冇亞姐,冇亞姐就冇我。」

咁多年嚟,每逢農曆新年同生日,阿珊一定會打俾邱生,但今年就緣慳一面。黎燕珊話:「今年初我打俾邱太,佢話唔喺香港。本來之後再約見面,不過最終都係見唔成,真係好遺憾。」

2013年邱德根生日,黎燕珊幫邱生搞生日會時,個蛋糕用咗舊亞視金錢標誌。邱生見到嗰陣笑得非常開心。

2009年邱德根與兒子邱達昌,出席東亞銀行 90周年晚會,精神尚算唔錯。

鍾意就快D Share啦!