汪圓圓 4千蚊耳筒氹老公 [壹週刊 - 1304] 圓圓,汪圓圓,高圓圓,M1,

唔知揀邊隻好，汪圓圓索性叫店員推介，唔使煩！

同你吟一吟

汪圓圓　 4千蚊耳筒氹老公

前年嫁俾玩具大王孻仔蔡加讚嘅汪圓圓，舊年九月仲幫蔡家開枝散葉生咗個 B女，聽講佢打算生夠六個先收工。好新抱唔易做，除咗肚皮要爭氣，氹老公更加唔可以放軟手腳。

上個禮拜五（二月二十七日），《壹》仔响尖沙咀圓方撞見汪圓圓喺 HMV揀耳筒，只見佢响貨架前𢱑爆頭，唔知揀邊款好，要搵店員埋嚟幫手。

拆盒試機，有店員代勞。

食完飯，汪圓圓拖實老公蔡加讚離開。

玩具大王蔡志明都有現身家庭飯局，但就提早半小時離開。

蔡加敏同老公馬鴻銘都有到，不過兩公婆比較低調，同行保鏢一度阻止拍照。

最後，汪圓圓買咗名牌 B&O上個月新推出嘅 Play H8無線耳筒，合金外殼、耳罩位用上羊皮包記憶棉，加埋觸控功能，盛惠$4,489。

買完禮物氹老公，汪圓圓變身好新抱， join埋奶奶去上落客區，原來要接埋蔡老太，再一家人去利苑食晚飯。汪圓圓努力做好新抱、老婆兩份工，難怪當日蔡加讚响婚宴上話自己係世界上最幸福嘅男人

鍾意就快D Share啦！

下一篇 》