10年生到 14年嘅 Suki羊年肚皮休息，同老公講掂數，猴年再努力。不過聽住先啦，生仔呢家嘢，話唔埋！
同你吟一吟
傾掂數 徐淑敏休業一年
喜歡一家大細出埠嘅黃浩、徐淑敏，今個農曆年一棚人喺台灣同新加坡過，頭尾計，玩咗成半個月，爽爆！現世代新抱，冇幾多願意同奶奶一齊住，但得 30歲嘅 Suki就冇有怕， 09年結婚到而家，一直同老公屋企人住埋同一間屋，婆媳關係融洽。
至於今次揀去新加坡過年，除咗因為 Kenny本身大部分親戚都喺星馬嗰邊，方便拜年，最主要都係搵個唔凍嘅地方，俾三個女游水玩吓。三個女版小 Kenny四歲三歲同七個月大，二五話大家姐 Vianna特別錫同自己餅印一樣嘅細細妹 Isabella，喺新加坡期間，老豆 Kenny帶住仲係 BB嘅 Isabella落水， Vianna全程緊貼，喺泳池咭咭聲笑到呢！
黃家三千金虎兔馬， Suki講過，計劃羊年俾肚皮休假，等猴年先復工，到其時，點都要幫老公生隻馬騮仔。老婆肯生，老公又養得起，儲齊 12生肖，都仲得！
|
鍾意就快D Share啦！
|
|
|
