Wyman同 Eason因財失義，私底下兩人形同陌路人，但對外卻聲稱友誼依舊。
探熱針
《金鴨》飯局拍枱離席 Wyman小器 Eason
曾經是 Eason陳奕迅老友兼御用填詞人的黃偉文，一三年底因為版稅問題，十三首作品在《 Eason's Life 2013演唱會》的 CD和 DVD中被消失，即使人前死撐友情不變，實質已形同陌路人。
上月中，兩人有份客串的賀歲片《 12金鴨》在銅鑼灣設宴慰勞台前幕後，傳媒離開後才蒲頭的 Eason，竟被一早在座的 Wyman拍枱：「唉！有啲我唔想見到嘅人出現囉！」跟住更立刻起身走咗去。無端端搞寸三姑（吳君如） party， Eason既錯愕又𢱑爆頭，最後要三姑同古天樂兩位主人家出手，氹番發爛渣的 Wyman。
朋友把你批鬥，陳奕迅真人試煉！
三姑請客
至今已累積超過二千萬票房的《 12金鴨》，上月中主角兼監製吳君如，在古天樂投資的銅鑼灣「名廚」設宴慰勞台前幕後。有份客串一角的 Eason，是日因為要開工，早已講明唔到。
「三姑（吳君如）梗係想 Eason嚟啦，佢係咁𦧲阿神，仲提議佢等記者走晒，先 call佢上嚟！」一名有份出席慰勞宴的幕後人說。
見 Eason火起
投資的古仔，大手筆請食鮑魚，三姑亦事先張揚有現金抽獎。傳媒離開不久，場內已經情緒高漲，飯局去到中段， Eason終於現身。甫到場，原本食得興高采烈的 Wyman突然變臉，拍枱起身：「唉！有啲我唔想見到嘅人出現囉！」全場登時鴉雀無聲。
唔想搞寸三姑 party的 Eason，錯愕地說：「唔係我呀！唔係我呀！我哋（不和）搞掂咗，無事㗎」
但場面依然僵持不下，坐在 Wyman身旁的 Eason經理人甘菁菁即時攬上身，「佢（ Wyman）話緊嗰個係我，我起身佢無嘢㗎喇！」
不過火燒心的 Wyman完全聽唔入耳，更抽身離席。場面尷尬但又唔知發生乜事的三姑同古仔，唯有跟住 Wyman，又呵又氹，最後 Wyman轉去同冬叔、冬嬸（吳君如父母）坐，食埋餐慰勞宴。
因財失義
與徐濠縈分屬閨密，在 Eason嫂拉攏下， Wyman及旗下班底全線成為 Eason御用作詞人，一三年底推出《 Eason's Life 2013演唱會》 CD及 DVD， Wyman填詞的十三首作品，包括大熱的《陀飛輪》、《葡萄成熟時》全部無影，有指因 Wyman的版權費太貴，唱片公司唔願俾，亦有指 Eason認為以兩人交情，版權費應該有友情價。
事後 Eason否認因財失義，「我哋係好朋友，公事我哋唔傾。」而 Wyman亦撰文澄清事件，兩人均否認因財失義，但去年初， Eason獲倫敦母校金斯頓大學（ Kingston University）頒發榮譽博士，豪請三十好友撐場，偏偏熱愛英倫文化的 Wyman無份，可見兩人關係今非昔比！
|
鍾意就快D Share啦！
|
|
|
