首次以黃色短髮 look示人的 Joey，覺得造型與自己的形象有很大分別。
探熱針
一鏡直落 分半鐘喪跑 50次 容祖兒：辛苦過開演唱會！
今年九月將首度與李克勤合作紅館開演唱會的容祖兒，早前為化妝品牌 Shu Uemura拍了一條名為「 Find Your True Glow」的宣傳短片，片長一分四十五秒， Joey要來回走位，仲要轉換七個長短髮不一造型，開迷你演唱會一樣！
據知，由試位到 roll機，天后重複跑了超過五十次，連隔日做運動的 Joey都忍不住：仲辛苦過開演唱會！
當眾換衫
天后埋位做生招牌！品牌找來曾與張惠妹、周杰倫合作過的造型設計馬天佑落場，為容 Joey打造七款不同風格的造型，並由 Angelababy的導演好友馬汶希（ Moory）操刀拍攝。
導演擺定機位，以一鏡過唔停機拍，女主角 Joey則不停進出鏡頭秒速換衫轉妝，為此，有六名 dresser同時幫手轉造型，連埋化妝髮型及助手，轉 look團隊足足十個人。
Joey要在眾目睽睽下換衫，無清場！
「其實開騷都係咁（當眾換衫）㗎啦，況且做足安全措施（打晒底），最緊要快手快腳，無謂有多餘嘅要求，阻礙拍攝進度。」 Joey夠晒專業。
拍足十四小時
一 take過拍，攝影師同演員的配合特別重要，只要有動作稍有出入，便要重新 take過，雖然片長只得一分四十五秒，但事先要經過多次試位，又要確保七個造型無出錯，整個拍攝時間長達十四小時。
為了這一分四十五秒畫面，天后來來回回跑出跑入超過五十次。「呢個拍法對我嚟講好新鮮， dresser換衫嗰部分仲緊湊過開演唱會，好刺激！要來回咁跑，要顧情緒表達又要緊記走位，計落其實辛苦過開演唱會。」 Joey說。
十年心願
○四年合作拉闊音樂會成為好友及合唱《刻不容緩》後， Joey和李克勤曾有意合作紅館開騷，去年六月， Joey在生日派對重提舊事，並坐言起行入紙紅館申請，終於一償所願，今年九月開騷。
上星期，兩人於 fb拍片徵求組合名， Joey說：「我哋組合叫乜名？如果大家有乜意見，又諗好嘅話，我哋會送你兩張……」克勤駁口：「兩張左麟右李粥麵小廚九折咭。」
|
鍾意就快D Share啦！
|
|
|
