二人世界 10年如一 Stephy餵飽小方 [壹週刊 - 1304] Stephy,方力申,小方,鄧麗欣,M1,

發現記者，管理員跑去通知二人。

探熱針

二人世界　 10年如一　 Stephy餵飽小方

剛度過 35歲生日的方力申，跟 Stephy拍拖十年，兩人卻未有計劃結婚；感情穩定，今年一月已約滿華誼兄弟的小方，三月正式加盟太陽城娛樂，回歸香港，與女友再次同公司，一家親。

至於 Stephy雖然未畫龜做方太，卻經常跟未來奶奶學煮餸，做好準備；早前， Stephy與小方孖咇出外上糧後，再一同返回男友浪頤居寓所煮飯，二人世界。

一家親

不停被指秘婚，但方力申和 Stephy（鄧麗欣）始終未有結婚衝動。

「其實佢哋一早有默契，覺得感情穩定，應該專心喺事業衝刺。小方父母都有催個仔結婚，但佢唔心急，話等到想要小朋友先考慮都唔遲。小方父母思想好傳統，所以佢哋結婚一定會大搞，唔會收收埋埋！」方力申身邊人說。

三年前，黃栢高離開金牌大風，方力申一度簽內地公司華誼兄弟，今年一月約滿的他，今個月亦會正式加盟太陽城，重歸 Paco旗下。

「以前喺金牌， Paco俾咗好多機會小方同 Stephy，呢幾年佢哋都 keep住聯絡， Stephy舊年已經歸隊，嚟緊公司會搞大型記者會，公布小方加盟。」

攞住大堆戰利品，小方瞄了記者一眼，即極速上樓。

小方租住的浪頤居屬四房大單位，更有無敵海景。

浪頤居私隱度高，停車場入口設有捲閘。

新抱仔

轉會再搏，即使方力申未有結婚計劃，但女友 Stephy早已被小方家長認定，近兩年， Stephy都有陪男友家人返北京，與小方外婆過年，同新抱仔冇分別。

「 Stephy同未來老爺奶奶好夾，小方爹哋曾經搵過內地著名藝術家祁志龍幫 Stephy畫咗幅畫， Stephy亦成日跟未來奶奶下廚，學煮家鄉菜，大家感情好好。」

過去，方力申一直跟家人同住，直至去年，他才以八萬元租住與家人只有幾條街之隔的浪頤居，方便與女友二人世界。

小方、 Stephy孖咇外出買餸，之後再一齊返回愛巢煮飯。十年感情，老夫老妻。

10年， Stephy被拍到與小方兩父子一同返北京過新年，地位等同方家新抱。

近年戀情逐漸公開，早前更一同為無綫拍攝《蜜月到訪》。

方力申奪「十大傑青」， Stephy陪到實。

在 Paco撮合下，小方、 Stephy拍葉念琛的電影走紅。

Paco入主太陽城娛樂，去年許志安、 Stephy歸隊，今年輪到小方。

自立門戶

Stephy去年加盟太陽城，即被安排與黃宗澤合拍電影《男人唔可以窮》。

第一次搬開自己住，方力申要住近家人，於是揀咗位於薄扶林碧荔道的浪頤居，樓齡 14年，屬低密度豪宅，兩座合共只有 15個單位，屋苑單位有一望無際西區全海景，細單位千八呎起，叫價 2,500萬，而四房大單位則叫價 4,500萬；租金則要 5.8萬起跳。

鍾意就快D Share啦！

下一篇 》