全城熱爆的娛樂八封新聞 & 時事趣聞 & 生活 + 趣聞
鄭嘉穎同楊怡以黑白配打扮到旺角谷新劇。
大台新劇《天眼》星期日（三月一日）响旺角行人專用區舉行宣傳活動，男女主角鄭嘉穎同楊怡都有到場。有傳今年 8月會同羅仲謙拉埋天窗，但楊怡否認：「我屬羊，又姓楊（羊），唔需要咁刻意做埋羊年新娘，搞到我阿媽成日俾人追問，隨緣」又幾有道理喎！
問到新劇將會同男友嘅《衝線》包辦黃金時段，楊怡充滿信心收視會贏羅仲謙，更預告劇中會同鄭嘉穎有大膽火辣親熱戲，至於謙仔有冇監場？夾响中間嘅鄭嘉穎好尷尬：「唔覺眼囉！」羅仲謙其實可以放心，鄭嘉穎愈減愈瘦，鋼條身形同你嘅巨胸相比，都係你襯阿怡多啲囉！
瘦到見骨嘅鄭嘉穎，話自己八嚿腹肌終於歸位，必要時就會攞排朱古力出嚟見人。
宣傳活動引嚟三百多人圍觀，警方一度到場同工作人員了解情況。
