全城熱爆的娛樂八封新聞 & 時事趣聞 & 生活 + 趣聞
戴住口罩嘅姜麗文，喺時裝店問長問短冇幫襯，跟住搭東鐵返歸，一個字： dry！
明明同鄭俊弘真拍拖，但因為大台壓力，姜麗文只能夠做隱形女友，早排仲因為男友太多女埋身，令三年情分手收場。
冇咗鄭俊弘，有傳姜麗文經老豆秦沛，搭上韓國男團 2PM成員 Jun K金閔俊。 Jun K大把女粉絲，緋聞見街後，姜麗文俾人插爆。擺到明係煲水，但講到成日要人肉速遞四圍飛陪男友嘅姜麗文，早排自己一個行又一城， hea到咁上下，再坐東鐵線返大圍屋企， dry爆！老豆秦沛兩任太太都係日本人，姜麗文想發展異地戀，真係要搵自己 daddy補吓課。
秦沛同第二任日籍太太森下繪梨拍拖去土瓜灣睇電話，好恩愛。
姜麗文發展異地戀，就要同兩個老婆都係東洋魔女嘅秦沛學吓嘢。
