掃呢頁CODE去手機

2015年3月5日 星期四

四太派利是 買阿 Sa攞影后 [壹週刊 - 1304] M1,




四太過枱搵阿 Sa吹水,內容提到今屆金像獎入圍名單,何四太果然緊貼新聞。

同你吟一吟

四太派利是 買阿 Sa攞影后

响電影《雛妓》入面食煙爆粗拍口交戲,成功躋身今屆金像影后候選名單嘅阿 Sa蔡卓妍,同好姊妹阿嬌去完馬爾代夫返香港,星期日(三月一日)又出動約朋友金鐘太古廣場歎茶。

假日 high tea,隔籬枱撞正四太梁安琪。何四太仲主動過枱吹水兼派咗四封利是,再埋埋阿 Sa飲茶張單,臨走,四太再發功,攬實阿 Sa豎起手指公話:「最佳女演員。」

四太好客,但阿 Sa勁尷尬:「係我都鬼死咁唔好意思!(四封利是係咪兩封你、兩封 William?)唔係呀,係 Joey、阿嬌同埋古巨基。」



接過利是後,阿 Sa攞支筆出嚟,响利是封上面寫低名,事關 Joey、阿嬌同基仔都有份。

臨走,四太豎起手指公,預祝阿 Sa攞影后。

哦!又難怪,自從 William拍《古劍奇譚》响大陸無啦啦紅咗,連剛剛大結局嘅《活色生香》又話收視全國第一乜乜乜。人紅工作忙,就連陪女友嘅時間都冇,就算四太封利是預埋你,分分鐘過晒正月都未到佢手呀!

四太仲有另一枱朋友,佢帶個細路女埋嚟同阿 Sa影合照,最後當然亦埋埋嗰枱張單!

William事業起飛,要經常留响大陸,搞到阿 Sa放假,都要搵好姊妹阿嬌陪去旅行。

鍾意就快D Share啦!