2015年3月18日 星期三

箍煲冇望 傷腿勁瘀 齊昕未婚夫蒲老蘭有新女 [FACE - 408] 齊昕,梁齊昕,MF,



齊昕每次出巡都有新搞作,週日( 15日)在禮寶府開放日時,戴住頂代表美國海軍第七艦隊嘅 cap帽,返家時,表現得木無表情,事後又在 facebook寫「嚇死我啦」,認真飄忽!

封面

箍煲冇望 傷腿勁瘀 齊昕未婚夫蒲老蘭有新女

一個「情」字,真係可以好複雜。至少,可以令到特首梁振英個女梁齊昕好混亂。

齊昕近月經常出席公開場合,雖然打扮愈來愈靚,但行為多次表現異常,疑似自殘、𠝹手、迷住行街通通試過。據知有指被父母捧打鴛鴦的齊昕,仍然深愛前未婚夫方海鍵( Michael)。

可是本刊上週連日採訪,發現 Michael已開始新生活,仲同女友人有講有笑,上週日晚齊昕再次在 facebook公開一對嚇人瘀腳,冇人錫齊昕都要好好照顧自己呀!

特首 23歲女梁齊昕原本在英國名校倫敦政治學院讀法律,還有一年便畢業的齊昕,有傳為了跟男友方海鍵( Michael)結婚,去年暑假決定停學跟 Michael返港,可是遭特首夫婦極力反對捧打鴛鴦,二人無奈分手。

結婚在望,但臨門一腳有傳俾老豆老母反對,同唔到 Michael結婚,齊昕早前為慈善幫亞洲婚禮攝影師協會影咗輯婚紗相頂吓癮。網上圖片

週日晚齊昕 po咗張雙腳瘀到爆嘅相,但就話唔知點會搞成咁,真係令人好費解?網上圖片

特首捧打齊昕

可是情深齊昕分手後變得情緒化,不但瀕臨酗酒,更不時疑似自殘,及後更會在社交網站公開自殘相片。據知 Michael曾一度態度軟化,但二人始終敵不過梁家施壓,拍拖三年冇得掹。

上週五( 13日)本刊發現 Michael和一名身形與齊昕近似的女友人,於辦公時間出現在公司樓下,期間二人交談無停過,傾到興起更會對望一齊笑,無聊走落公司樓下吹水約 10分鐘後雙雙返回工作崗位,仲頭貼頭,好有情侶 feel。

當年情

網上圖片

拍拖 3年的齊昕和 Michael已去到談婚論嫁嘅階段,無奈特首夫婦極力反對,此情不再。

細聲講

上週五( 13日) Michael在下午茶時間與女友人突然落樓傾偈 10分鐘,有講有笑後又上返樓繼續工作。

大聲笑

女友人與 Michael有傾有笑相處融洽,後生仔女好易撻着㗎!

愛夜蒲

晚上 Michael(箭嘴)與一班男同事到蘭桂坊飲酒消遺,全程冇女埋身。

勁扯煙

為免煙親朋友,食煙時 Michael都會行埋一邊。

樣殘手殘

週日齊昕對腳勁瘀,其實齊昕自殘真係唔止一次。

去年就曾經擺過張疑似割脈相,再加寫住「我會流血至死嗎?」而在大量 chok樣靚樣相中,一月份就出現過一張樣子殘到爆兼眼袋又大嘅自拍照,為情憔悴到咁樣樣,又有學識又有錢,齊昕快啲醒

網上圖片

網上圖片

恨入行勁集郵

除咗靚相,齊昕間中都會將心情化做文字 po上網,唔知呢句說話係咪送畀佢老豆呢?網上圖片

放工後, Michael便跟一班男同事往中環蘭桂坊 happy hour,雖然近乎全男班夜蒲,但 Michael仍不時四圍望女仔,又煙不離手似乎煙癮頗大。

齊昕自去年底正式失戀後,連月來行為異常得令人擔心,曾在 facebook留言說:「跳樓吧,死,驚什麼」,又上載過於浴室的自殺照片,一心想在娛樂圈發展的她卻多次在鏡頭前失常,出席李逸朗演唱會時被發現左手有新傷痕,週日( 15日)晚又自 po一張雙腳佈滿瘀痕的照片,即使在上週六( 14日)到澳門出席公開活動時仍然雙腳乏力要靠牆行,雙眼似乎失去焦點,幸好在場內齊昕仍能保持正常社交,成功捕獲劉嘉玲和薛芷倫合照留念。

近日齊昕在公關鄭紹康協助下,正逐步踩入娛圈社交圈,雖然之前說好的電影《男極探射燈》最終拍唔成,但據知已有電視台力邀齊昕做節目主持。其實齊昕如果正正常常唔再自殘或者行街甩鞋之類,幾有潛質嘅!

離奇靚咗

上週六( 14日)齊昕去咗澳門出席活動,當日佢貼牆行同埋雙眼失焦,不過打扮有專業團隊大執,靚咗!

堅幫手

齊昕仲喺 facebook度話買咗李逸朗演唱會飛,賣晒廣告喎!

《蘋果日報》圖片

李逸朗同齊听都係呢期紅人,早前齊昕就去咗捧李逸朗場,雖然套《南極探射燈》開唔成,但據知二人仍有聯絡。

場內齊昕集咗唔少郵,當中以劉嘉玲最勁,其次仲同 ball后薛芷倫搭膊頭扮 friend影相。

網上圖片

網上圖片

齊昕唔使愁 成個森林任你揀

網上圖片

梁齊昕結唔成婚真係慘豬豬,不過今年至 23歲大把前途大把男人任你揀㗎!再唔係我哋幫你揀咗幾位如意郎君,切合晒齊昕嘅性格、家庭背景同需要,唔啱可以退貨添!

杜汶澤夠搞笑

《蘋果日報》圖片

齊昕喺 facebook問大家「 D7689」係唔係車牌號碼,「 is D7689 a carplate number?」呢個咁博大精深嘅語言題,梗係要句句說話都發自內心嘅杜汶澤嚟解答齊昕索性搵個同阿澤一樣咁精通廣東方言嘅老公,以後就唔使俾人笑到面黃

格雷 Christian Grey陰影多

齊昕曾經疑似為仔要𠝹手, po埋張相上網成件自殘事件幾咁國際化,要選最佳老公可以考慮吓有五十道陰影嘅格雷,以後有乜需要搵老公郁手得喇,講完!

金正恩超極權

性格反叛嘅齊昕經常激到老豆生蝦咁跳,有個更加極權嘅情人以後實定性啲,北韓領袖金正恩就啱晒!以後連 facebook都冇得上,韓劇都冇得睇問你點反叛?得閒又可以坐火箭或者人造衞星喺佈景版前面過吓戲癮,使乜入娛樂圈咁煩!

超人類卓比最配合

如果任何人類都滿足唔到齊昕嘅話,卓比一定掂!卓比仲識得將人嘅意識擺入另一個機械人度,以後齊昕就算日日唔同樣,想玩失蹤、唔拍戲呀之類就易如反掌!

鍾意就快D Share啦!
Related Posts Plugin for WordPress, Blogger...