2015年3月13日 星期五

迪士尼直擊 兩歲生日 P 盈盈樂樂打造愛女公主 look [忽然1周 - 1024] 盈盈,樂樂,湯盈盈,MW,



鐵漢柔情

周二( 10日),抱着囡囡心都甜晒的嘉樂,催促老婆揸機替他兩父女在樂園 chok住留影。

滾熱辣

迪士尼直擊 兩歲生日 P 盈盈樂樂打造愛女公主 look

錢嘉樂與湯盈盈自前年誕下囡囡錢凱晴( Alyssa)後,人也變得定性。女方由喜愛夜蒲變家庭煮婦,男方亦減少應酬積極𢱑銀。眨吓眼囡囡已兩歲,周二( 10日)本刊獨家直擊盈盈樂樂出錢出力,約埋老友洪天明伉儷、文頌嫻、雙方父母等近 30位親友,浩浩蕩蕩到迪士尼為愛女慶生。

當日兩人更悉心打扮女兒,日頭化身迷人 pink公主,夜晚則變身成 Q版米妮。愈大愈似爹哋的小凱晴,不時跳跳紮,𠱁到父母笑唔停!








凱晴自出世以來,一直被指似爸爸嘉樂仔,去年更有網民評擊囡囡「唔夠靚」,有傳當時湯盈盈曾心痛落淚。而作為爸爸,嘉樂仔揚言女兒健康就夠:「靚唔靚各人有各人嘅審美眼光,但似我就一定靚,最重要我個女一定係個健康、快樂嘅小朋友,對我而言已經足夠。」疼錫愛女之情洋溢。

老公爭抱囡囡,湯盈盈樂得清閒,負責照顧同行親友。

可愛 pink girl

已經兩歲的小凱晴,當日戴住皇冠,穿上一身粉紅裙仔加同色公主鞋,趣致可愛。

跳跳紮嗲父母

眨吓眼囡囡已兩歲,為𠱁愛女歡心,盈盈樂樂周二( 10日)在迪士尼開生日 P。約下午三時許,錢嘉樂與老婆分道揚鑣各驅一座駕出門,盈盈載着囡囡及父母,嘉樂則往接自己父母及親友。眾人到達樂園會合洪天明一家及文頌嫻與囡囡等近 30位親友後,浩浩蕩蕩殺入樂園。

現場所見壽星女凱晴已行得十分穩陣,並頭戴小皇冠及穿一襲粉紅公主裙,不時撩人玩唔怕生暴,似足父母咁活躍,間中亦會嗲大人抱抱。見愛女扁嘴,盈盈樂樂即心軟任愛女撒嬌。雙方老人家亦非常着緊孫女,不時拖到實,又爭抱孫,場面搞笑。

去年 1歲生日會的凱晴,打扮紅噹噹配紅色蝴蝶頭飾,食糖糖走可愛路線。相隔一年,她已改頭換面化身小公主,小朋友真係大得快。

錫女錫到燶的錢嘉樂,本周三( 11日)急不及待將迪士尼親子樂的相放上微博,同粉絲開心 share。

轉餐廳睇煙花

入夜,盈盈樂樂擔心愛女及親友肚餓,即安排眾人到園內位於小鎮大街的西餐廳醫肚。據知湯盈盈本來為遷就老人家口味,訂了廣場飯店的「美心」酒樓,卻臨時轉場到對面的 corner cafe。知情人透露:「盈盈知囡囡好鍾意睇煙花,佢哋最初 book枱講明要煙花位置,但嚟到發現個煙花位睇得唔夠清楚,所以轉咗過對面間 corner cafe。」因湯盈盈是樂園 VIP,即使臨時轉場,亦獲厚待安排特靚煙花區用餐。

溫馨睇煙花

生日會例牌菜睇埋煙花,由小皇冠換上特大發光米妮頭箍的凱晴,與爸爸、媽咪一齊睇煙花,睇到眼都唔眨,一家三口表情一致。

冧完阿爸嗲阿媽

爸爸抱完,凱晴又主動去嗲媽咪攬攬, sweet到爆。

盈盈樂樂當晚與一眾客人用餐的餐廳,位處園內通往城堡必經之處,是園內數一數二貴價餐廳。

年逾 70的爺爺(中),在場內不時與親家(左一)爭抱孫,十分搞笑。

親子騷鬥 sweet

凱晴生日,有份參與生日 P的圈中老友亦順道上演親子騷,但好明顯洪天明「一家四口」最溫馨。

洪天明父子裝

天明同兩歲囝囝 TJ着父子裝入樂園玩,而老婆家蔚亦將為洪家再添男丁。不過大肚家蔚認真牙煙,經常踎低照顧兒子(小圖)。

文頌嫻獨湊女

從商的老公李梓慎日理萬機,故文頌嫻當日獨力湊今年已兩歲半的囡囡 Jamie入樂園玩。

汪琳女似阿媽

昔日「電波少女」之一汪琳原來跟文頌嫻好 friend,故當日亦是座上客。囡囡 Kesha更同媽咪一個餅印。

鍾意就快D Share啦!
Related Posts Plugin for WordPress, Blogger...