2015年5月8日 星期五

關禮傑 「好姐」出動 [忽然1周 - 1032] 關禮傑,MW,



關禮傑外形 keep得好,加埋髮型服裝夠 young,睇落邊似 53歲。

媽咪姐

關禮傑 「好姐」出動

睇見依家翻播嘅《大時代》,方展博同幾隻蟹仔好似食咗防腐劑咁。查實唔只得佢哋,《新紮師兄》嘅「好姐」關禮傑,年過半百一樣 keep得好 fit㗎!







媽咪姐前幾日見勞動節放假,咪去灣仔駱克道嗰頭,睇吓啲燈飾裝修。咁啱撞到關禮傑帶埋老婆同囡囡睇牆紙,仲搵多個朋友嚟幫吓眼㖭。之但係睇佢拎住本樣板揭嚟揭去,又拎手機出嚟篤篤篤,似乎計唔啱 budget。而佢老婆只係坐埋一邊手指指俾意見,囡囡負責玩手機,同老闆講價呢啲粗重嘢,就留番俾關禮傑搞。估唔到關禮傑真係同當年嘅「好姐」一樣咁細心。

關禮傑全家出動,但只係得佢同老婆揀牆紙款。囡囡全程冇關心過掛住玩電話。

趁住公眾假期,關禮傑同老婆去睇牆紙燈飾,但行嚟行去,都係 window shop多。

關禮傑之後同埋朋友去 starbucks飲咖啡,傾咗好耐。睇嚟揀唔啱心水喎!

對比番 30年前同張曼玉拍《拆擋拍檔》個樣,關禮傑只係增添咗男人味,型呀!

鍾意就快D Share啦!
Related Posts Plugin for WordPress, Blogger...