2015年5月29日 星期五

蜘蛛俠侶重出江湖啦! [忽然1周 - 1035] MW,



愛瑪同安德魯 4月初突然傳分手,隔一個月呢又一齊去超市 shopping,後生仔嘅戀愛世界真複雜。

出外埠

蜘蛛俠侶重出江湖

4月初,新「蜘蛛女」愛瑪史東被指同新「蜘蛛俠」安德魯加菲分手,傳聞話兩人分隔異地難以維繫感情,又有另一版本表示男方喺台灣拍戲偷食,搞到愛瑪嗌分手。

與其大家估估下,倒不如由當事人講啦。上周六( 5月 23日),呢對小情侶自分手後首次被影到一齊。雖然冇拖手或者親密行為,但睇嚟雨過天青嘞。其實愛瑪出席康城時容光煥發,一啲都冇失戀嘅徵狀;加上上周《 Aloha》首映時,愛瑪被目擊跟安德魯嘅父母談笑風生。雖則話再見亦是朋友,但媽咪姐真心希望呢對「蜘蛛俠侶」真係復合

愛瑪同安德魯當年拍《蜘蛛俠》而撻着,雖未至於談婚論嫁,但一直都好恩愛。

新戲《 Aloha》首映上,愛瑪向安德魯父母熱情打招呼,唔知係咪復合嘅端倪呢?

鍾意就快D Share啦!
Related Posts Plugin for WordPress, Blogger...