全城熱爆的娛樂八封新聞 & 時事趣聞 & 生活 + 趣聞
糖妹讚 Hello Kitty葡撻同 macaron鬆化香甜好鬼正！佢仲話自己最鍾意周圍食，所以 7月會出本旅遊書㖭！
胸大唔一定好，好似媽咪姐一直都幾鍾意糖妹，佢細細粒、笑得又甜， so cute呀！同埋呢，佢同媽咪姐一樣咁為食，周不時有好介紹㖭。
早幾日之嘛，糖妹就去咗澳門，同 Hello Kitty成為朋友，試食晒 Kitty手信舖啲正嘢，幾令人羨慕呀！跟住半夜佢仲「放毒」，鋪豬扒包相上網喎！嗰個仲唔係普通嘢，真係識食㗎！呢個妺妹仲好勤力做嘢，唱歌又出書，佢話：「都儲到少少錢，想買啲投資基金，希望快啲買到樓」
糖妹好醒，着番對 5吋高踭，拉近同 Hello Kitty嘅距離。
深水埗嘅「名物」維記豬膶麵都係糖妹至愛，仲食埋咖央多再加腸蛋㖭，好招積呀！
糖妹深夜 post滑蛋豬扒包相，引到網友口水流，有啲講笑話要取消關注㖭。
