掃呢頁CODE去手機

2015年5月29日 星期五

變裝皇后似陳凱琳  Jeana唔夠鬥 [忽然1周 - 1035] 凱琳,何佩瑜,Jeana,陳凱琳,MW,



媽咪姐

變裝皇后似陳凱琳  Jeana唔夠鬥

性感女神級嘅 Jeana(何佩瑜)遇上男扮女裝嘅 Drag Queen(變裝皇后)會係點?咪就係企埋一邊囉!早幾日,出咗櫃嘅梁梓禧(前名梁奕倫)拉 Jeana上佢個節目《攣直後援會 2》對住 3個 Drag Queen。點知節目一開始,主持茜利妹就話:「 Jeana出道已經成個 Drag Queen咁!」梁梓禧即刻接:「你個意思係咪指佢( Jeana)似人妖呢?」估唔到 Jeana冇嬲,仲話:「其實坦白講,我係!」

之後叫 Jo Jo嘅 Drag Queen出場,梁梓禧望到眼都唔眨:「真係靚到陳凱琳咁呀!鄭嘉穎見到都唔知邊個係陳凱琳呀!」連 Jeana都忍唔住話:「 Jo Jo真係好瘦,瘦過我,但係個喉核大過我嘅……」而另一位 Drag Queen Co Co,衣着性感,茜利妹話:「 Co Co有胸器呀!」梁梓禧又搭嘴:「喂!似你(指 Jeana)出道喎,哈哈……」呢日無事業線嘅 Jeana即刻[!8B62]晒地話:「點呀!我唔做喇!」咁下下俾人贏晒,又係 hurt啲嘅。

唔夠瘦

被指似陳凱琳嘅 Jo Jo其實係直男,但仲苗條過 Jeana, Jeana係咁摸,人哋蝕晒㗎!

胸都輸

Jeana見到 Co Co(右)胸前偉大,都忍唔住猛咁望。講吋數, Jeana輸硬喎。 Btw,呢個角度睇,企中間嘅 Jo Jo真係好似陳凱琳呀, OMG!

艾威都有上梁梓禧嘅節目,訪問女同性戀者。點知梁梓禧忽然叫佢介紹男人,艾威即刻驚驚哋。

鍾意就快D Share啦!