掃呢頁CODE去手機

2015年5月29日 星期五

涉僭建玻璃屋辣㷫鄰居 錢小豪:係有嗌霎 [忽然1周 - 1035] 錢小豪,MW,



對僭建一事,錢小豪直認:「呢度周不時都係咁㗎喇!買返嚟就係咁,因為呢啲都係村屋。」

娛樂喧

涉僭建玻璃屋辣㷫鄰居 錢小豪:係有嗌霎

52歲的錢小豪,前年憑電影《殭屍》鹹魚翻生,細佬錢嘉樂即為哥哥鋪橋搭路,入大台拍劇。本周一( 25日)大台黃金時段播放的《潮拜武當》,錢小豪做男一,首播收視最高達 27點,算是近年佳績。

樹大招風,在西貢大網仔住了十年有多的錢小豪,最近被鄰居投訴僭建玻璃屋,太太丘倩鳴更因僭建問題同鄰居爭吵,對此小豪直認不諱:「係有嗌霎……」







連日來,愛狗的錢小豪,不時帶愛犬散步。

99年,錢小豪以 593萬蝕賣相思灣單位,聽從太太丘倩鳴意見,買入現居的大網仔村屋,一住便十多年。不過最近本刊收到匿名電話,投訴人自稱是錢小豪的鄰居。他力指錢氏夫婦的村屋涉嫌僭建有蓋玻璃屋,更指錢小豪妻子曾因為僭建問題,與鄰居發生激烈爭吵。

本刊到錢小豪的大網仔村屋視察,發現村屋大門後的空地的確建了一座有蓋玻璃屋。 5月 25日,本刊記者向剛離開村屋寓所的錢小豪求證,他說:「哦……僭建呀?唔知呀,呢度周不時都係咁㗎喇!……買返嚟就係咁!」

涉加建上蓋

錢小豪的村屋屬「牌照屋」,對於涉嫌僭建玻璃屋,本刊致電西貢地政署查詢,署方表示牌照屋的條款層出不窮,要實地考察才可確定有否僭建。

兄弟互助

錢小豪同錢嘉樂是親兄弟,在錢小豪介紹之下,錢嘉樂最初加入「洪家班」,後來才轉做幕前。今次則是錢嘉樂向大台推薦哥哥拍《潮拜武當》。

認老婆同鬼佬嘈

對於太太與鄰居發生激烈爭吵,小豪似乎心裏有數:「哦……係有嗌霎……嗰個鬼佬囉,我哋整好咗天台,佢話我哋上天台見到佢後面個花園,佢話你哋最好唔好上天台喎!你話奇唔奇怪呀?外國人係咁嘅,成日都寫匿名都怕咗佢。」丘倩鳴斷絕老公的朋友,間接令他與外界隔絕,難怪錢小豪在娛樂圈的工作多年來差強人意。幸好小豪細佬嘉樂在圈中廣結人緣,不時介紹工作給哥哥。

錢小豪 00年因偷拍裙底春光被捕,但仍得到當時女友、前亞視藝員丘倩鳴(圖)支持。翌年兩人結婚, 03年身在上海的錢小豪有嫩女埋身,但仍得到老婆原諒。

近年錢小豪拍內地劇及港台劇為主,最為人熟悉的演出,是在《殭屍》飾演一名過氣紅星。

25/5一家出巡

周一,錢小豪應傳媒之邀到西貢做訪問,更帶埋老婆丘倩鳴同 13歲囝囝錢穎德一齊到市中心。老婆黐身又一鐵證。

懶理老竇

丘倩鳴同囝囝先在附近食住等,錢小豪受訪完畢即去搵他們。不過錢穎德化身低頭族,懶理老竇。

長子改姓

錢小豪與前妻郭秀雲育有一子錢景峰。但 24歲的錢景峰與生父關係麻麻,兒子更改跟後父姓,現名為龐景峰。

兄弟姊妹幫拖

娛樂圈講人脈關係,所以唔少明星紅咗,都會幫下自己的兄弟姊妹,為他們帶來更多工作機會。

衞蘭

衞詩自藏毒事件後,人氣一落千丈。近日衞蘭約滿黎明轉投華納,更要求新唱片公司要簽埋衞詩。

張栢芝

張栢芝入行不久就爆紅,在她硬銷之下,她的弟弟張豪龍(右)及張栢文雖然其貌不揚,亦拍過多套電影。

陳慧琳

陳慧琳走紅後,親自為弟弟陳司翰牽線入行。可惜多年來陳司翰負面新聞纏身,連陳慧琳亦曾指責弟弟。

細佬鋪路彈 job

據知,錢嘉樂有感哥哥在電影《殭屍》的表現出色,食住個勢,即向大台監製引薦他拍《潮拜武當》。對於細佬帶挈,小豪推說:「唔係、唔係㗎,係監製張乾文搵我。因為上年《殭屍》出嚟嘅迴響好大,咁啱 TVB有個頒獎禮搵我同友哥(陳友)頒獎,又咁啱話有個劇本好啱我!咁就撮合咗呢個劇。(嘉樂冇介紹 job俾你咩?)咁嘉樂都有嘅,好多朋友都有。睇啱我又唔會刻意叫啲朋友幫手搵角色,因為我同爾冬陞識咁耐。呢行我哋知嘅,係啱至搵你。拍完呢個劇集,希望同嘉樂、盈盈拍番部電視劇,我諗幾好玩嘅。」

周日( 24日)錢小豪出席新劇《潮拜武當》活動。近年少在香港拍劇的他,宣傳時十分落力。

在《潮拜武當》中,身為「男一」的錢小豪,與楊怡合演一對情侶。

跟得人妻

上周一( 18日),錢小豪返大台為《今晚睇李》錄影。之後與太太買完消夜才返屋企。

地位超然

在周日( 24日)播出的《今晚睇李》,梁靖琪答錯問題被黐膠紙,只有錢小豪答錯都冇人罰,擺明特別優待。

鄰居唔妥明星

鄰居之間講求和睦,不過可能因為藝人樹大招風,反而易同左鄰右里發生衝突,圈中不少藝人都中招,遭鄰居投訴。

宣萱泊車爭執

住在西貢獨立屋的宣萱,去年因為坐駕泊位阻礙其他車出入,跟鄰居發生爭執。宣萱指自己被人用粗口問候,她更即時報警備案。

陳豪被指霸道

去年陳豪和陳茵媺遭外籍鄰居投訴,指他們經常在家開派對,兼訪客泊車阻塞了該老外門口。老外更直指陳豪當正自己是「比華利山皇帝」,他又自製 Tee恤控訴陳豪。



周永恆製造噪音

去年周永恆同小三 Ruby打得火熱,更不時帶 Ruby上屋企同居,半夜發出噪音,被附近的公屋鄰居多次投訴,但周永恆未有改善。

鍾意就快D Share啦!