陳嘉寶拍拖招妒 狂迷以死相逼 陳嘉寶

陳嘉寶拍拖招妒 狂迷以死相逼

「新一代女神」陳嘉寶（Anjaylia）憑青春健康形象俘虜萬千宅男心，隨着她公開與金融才俊黃頌祈拍拖，即惹來狂迷呷醋，不但「送」上智慧齒，又寄騷擾信給偶像及「情敵」，近日更行動升級揚言會為Anjaylia自殺，欲以死要挾偶像，嚇得Anjaylia即時報警處理！

「新一代女神」陳嘉寶樣子甜美，形象清純，怎料最近被狂迷滋擾，更要挾會為她自殺。

現年25歲的陳嘉寶（Anjaylia）去年憑無綫劇集《女人俱樂部》人氣急升，吸引不少宅男「癡戀」，加上清純形象火速被封為「新一代女神」，同時成為傳媒追訪對象。人靚聲甜的Anjaylia去年親口承認與金融才俊黃頌祈（Epaphras）拍拖大半年，正式告別單身，估不到惹來男狂迷打爛醋埕，以寄信方式騷擾Anjaylia及Epaphras。

警告「情敵」要分手

據知，該狂迷得悉偶像Anjaylia剝了智慧齒，即寄了一隻智慧齒到對方的經理人公司，當Anjaylia拆信後嚇得連續喪叫，花容失色。狂迷見偶像似乎未有任何反應，火速將行動升級，因愛成恨的狂迷率先向「情敵」起底，由於Epaphras是潛水學會會員，狂迷分別寫騷擾信寄到Anjaylia經理人公司及潛水學會，信中內容大致是指Anjaylia是其女神，遂恐嚇男方「我知你住邊」，又多次警告男方早日與Anjaylia分手，受盡困擾的Anjaylia與男友商量後決定大事化小，欲等狂迷無癮收手。

陳嘉寶收到狂迷寄來的智慧齒和騷擾信，嚇得她花容失色。	陳嘉寶大學畢業後，專注在娛圈發展。	陳嘉寶去年承認與金融才俊黃頌祈拍拖，竟引來狂迷妒忌。

• 狂迷最近轉移目標戀上Super Girls。

移情Super Girls

可惜狂迷咬實唔放，近日更寫恐嚇信強調會為偶像自殺，令Anjaylia大為緊張，擔心對方做傻事，最後在經理人陪同下到警署報警，警方亦火速召狂迷返署了解，狂迷經警誡下認錯。而追星搞到成身蟻的狂迷終對偶像心死，並移情別戀愛上Anjaylia的同門組合Super Girls，更頻頻出席SG活動，由於狂迷有前科，SG經理人已叮囑五女小心。

就此事向Anjaylia求證，她承認說：「係受狂迷騷擾，最後擔心佢安全先報警。（出門小心？）一直都小心。（依家仲有冇見佢？）冇見佢出現。（佢愛上Super Girls？）好似係，希望佢唔好再做瘋狂行為。」

另外，SG隊長Aka昨日在電話中表示不知Anjaylia受狂迷滋擾，她說：「會打畀佢關心吓。（狂迷做咗你哋歌迷？）真o架？冇聽過。（拍拖唔敢公開？）唔會，我哋啲歌迷好乖同懂事。」

文：音樂組

鍾意就快D Share啦！

下一篇 》