掃呢頁CODE去手機

2015年5月29日 星期五

Cap圖龍虎榜 [忽然1周 - 1035] MW,



圖片來源:環球膠報

靚抽王

Cap圖龍虎榜

平日一打開 facebook同 WhatsApp,可謂 cap圖滿天飛, cap圖已經成為我哋生活嘅一部分。今期至新至 hit嘅 cap圖係乜?睇 Cap圖龍虎榜!








夏天,為大地帶來奇裝異服

香港永遠都有啲人穿着奇裝異服去街街,又唔知點解類似嘅朋友硬係會喺港鐵現身恍如行騷,呢套係今季最有誠意嘅 Cosplay之作,不過個頭好似太大,搞到個身有啲似火柴。

進擊的肥仔

喺香港潛伏 9年,過期居留嘅小巨人懷仔,喺禮義廉議員幫助下獲得行街紙,令到好多香港市民非常擔心。

會唔會眾多複製人懷仔已經喺城牆外面 ready,見到「懷仔一號」申請成功就湧入香港問政府攞行街紙?點解懷仔 12歲仲大份過啲大人?會唔會係基因突變嘅戰鬥機器,甚至係《進擊的巨人》入面嘅巨人?仲有巴打搵出片段指懷仔打人,佢會唔會蝦身邊比佢細粒 3、 4倍嘅同學?種種跡象顯示,呢個世界級肥仔可能就係傳說中嘅基因突變胖虎,香港人已經無法再阻止佢嘅侵略喇!

毒男二部曲

大台劇《華麗轉身》除咗捧紅阿姐嘅五字真言「經過那些年」,松哥呢句「我用情專一,何嘗不是形單影隻」更道盡不少毒男心聲。另一方面,家傳戶曉,專教大家點樣唔好俾賊人入屋,同時教啲賊點樣逃避警方追捕嘅《警訊》,竟然以毒男角色教大家點樣唔好俾人偷手機。故事入面毒男因為太有自信借手機俾靚女,最後落得手機被偷嘅下場,似係要教導毒男們不要太有自信,應繼續做隻自卑的小雞雞就算數囉。

鍾意就快D Share啦!