卓林其實也有童真一面，愛貓的她着記者拍照時一定要影埋 T恤的貓貓公仔，又提醒記者出相時幫她執走暗瘡。
打頭陣
獨家首談生父 小龍女：我生命中冇呢個人
十六年前，吳綺莉未婚懷孕誕下女兒吳卓林，父親是國際巨星成龍，「小龍女」的暱稱便伴隨着卓林成長。成龍公開與兩母女劃清界線，表面上河水不犯井水，但原來卓林童年曾因為是成龍女兒遭同學欺凌及孤立。
在陰影下成長的卓林，坦言形成一道自我保護的圍牆，多年來交朋友很小心，也變得內向，不會輕易將感受宣之於口。經歷報警及兩次出走，卓林坦言不後悔，皆因藉着這個機會，兩母女的關係重新建立。
對於早前有指她恨見成龍，十五歲的卓林首度開腔：「對佢真係冇感覺，我生命中冇呢個人。」
卓林上周六（ 23日）由瑞士遊學完畢返港，吳綺莉在機場接機後，兩母女便一起回家。這是卓林第二次「出走」後首次回家。休息一天後，本周一（ 25日）卓林接受本刊訪問，首次開腔談及生父成龍。
激動眼紅
多年來外界對卓林及吳綺莉都有很多誤解，兩母女食了好多「死貓」。卓林說：「只要我知道自己啱，我就唔會 feel bad；只要我阿媽同好朋友知我係點樣，我就夠了。」更指如太在意陌生人點睇自己，最終只會自己辛苦。
購新傢俬
吳綺莉早已購了新牀及牀鋪迎接卓林回家。訪問當日撞正送貨，吳綺莉在鏡頭背後忙於打點，只是在最後之際與卓林合照。兩母女更異口同聲指要相片效果瘦及靚。
血緣上的父親
外界一直以為在卓林面前提起成龍，便會牽動她的神經。不過事實剛剛相反，談到生父成龍，卓林的態度冷淡得令人吃驚。她說：「 He is my biological father（他是我血緣上嘅父親），佢係我老竇，不過喺我 raising（成長）過程， He is not my dad（他不是我父親）。我覺得有時唔一定要 blood parents（親生父母）先可以做到真的父母，好多時養你嗰個先重要。」
外傳成龍想與卓林相認及見面，卻遭吳綺莉阻止。卓林則說：「我要為媽咪平反，媽咪好 respect（尊重）我意見。佢話我想見咪見囉。我唔知呢個傳言係咪真，我都冇聽過。我冇諗想唔想見，無乜所謂。最搞笑係到呢一刻，我對呢個 topic已經冇感覺。」
談到「小龍女」稱號，她說︰「大家要咁叫（小龍女）咪叫囉，我知道自己個名叫吳卓林，我係 Etta Wu，自己知道就得喇。我唔會理你叫我乜，總之對我最重要嘅人，好似阿媽、老師同 close friend， call me by own name，其他人點叫， It doesn’ t hurt me anymore（傷害唔到我）。」
單親星二代多反叛
單親家庭長大的星二代，來自破碎家庭外，從小就受外界關注，難免長大後個性叛逆。欣宜更是頭號苦主。
童年傷心過
不過，她承認童年時，也有傷心日子：「細個時見到同學有父親接放學，自己又鍾意釣魚同踩單車，從同學口中知道呢啲係由父親陪，自己冇（父親陪）好傷心。不過，依家就冇所謂，我冇嬲老竇亦冇話想見佢， no feeling（冇感覺）。
「以前會問 why me？點解係我？依家就 get used to（已習慣），我覺得…… I can’ t pick my parents（我不能選擇自己的父母），而且 I am lucky to have my mom（我非常幸運有我母親）。我阿媽做埋老竇， double the love（雙份愛）。」
遭小學同學欺凌
單親成長已不幸，最慘因為生父名氣大，成為眾矢之的。因為「小龍女」身份，卓林稱童年遭受同學欺凌：「嗰時我試過有個好朋友，初時對我好熱情，但後來突然恐嚇我身邊朋友，叫佢哋唔好睬我，又偷我嘢，又拋我啲功課落地。我有同阿媽講，阿媽叫我『 be strong』（要堅強），但嗰時我真係唔鍾意返學。嗰陣我細細粒，真係唔夠佢哋打……佢哋踢我，跟住鍾意揼我，好乞人憎！」
童年時受傷害，令卓林變得內向，交朋友亦寧缺勿濫，她說：「太多人知自己諗緊乜會好危險，所以好朋友三個已足夠， keep the circle small（保持小圈子）。」
活在「小龍女」陰影下，卓林連自己打算大學選修 film production（電影製作）也不敢宣之於口：「成日都好尷尬唔想講讀乜，怕大家亂講。我由細到大都鍾意睇戲，想讀 film production，但驚大家會話我阿媽係 actress，老竇係 actor（演員）。我唔想人哋以為我有 connection（人事關係），其實 it’ s my own interest（個人興趣）。」
談到在電視機看見父親成龍時，她說：「我唔識佢，唔會 judge（批評）佢，我生命中冇呢個人。喺電視見到佢係個陌生人，我唔會話『我老竇呀！』我會話『 Oh！ Jackie Chan, an actor』。」
父母甩拖子女受罪
娛圈歷年來有不少未婚媽媽，生下孩子後與另一半分手收場，獨力撫養私生子女。由於面對強大壓力，子女亦不好過。
母親俾雙倍愛
卓林話童年時曾問過母親，為何自己沒有父親，「阿媽解釋完，我就『哦』咗一聲，唔係好大反應。因為我有阿媽就可以，我冇需要爸爸。因為從小已冇爸爸，唔知爸爸會俾啲乜我。」
卓林思想成熟，雖然性格內向，很少對母親講「 I love you」，但卓林會同母親講「 I care about you」。她覺得 care深層過 love，對母親健康十分緊張，希望她生活得開開心心。
談到早前報警一事，「我有 reflection（反省），不過冇 regret（後悔），我承認有疏忽，手法太 hash（糟糕），係我做出來，我要負責。不過最終對於我同阿媽嚟講，都有 good start（好的開始），因為大家都要改變吓，佢要理自己身體，放鬆啲；我就要多啲將內心想法講出來。大家真係要多溝通，唔可以再得個講字。」
吳綺莉亦坦言報警事件後，發現卓林突然成熟了：「個女大個嘞！以後會多啲溝通，唔可再發生（女兒離家），因為大家都好辛苦，依家自己要學懂如何釋放。」
現年十五歲的卓林，懂得我行我素，自我安慰，比同齡的孩子來得早熟。這份氣定神閒連母親吳綺莉都應該要學，更難得她十分清晰自己的意向，而且肯承擔後果，這方面父親成龍更是望塵莫及！
|
鍾意就快D Share啦！
|
|
|
