掃呢頁CODE去手機

2015年5月29日 星期五

百萬利誘向錢看 郭政鴻提早解約離巢 郭政鴻,



唔少無綫前藝人時有怨言公司刻薄,唔愛惜員工,不論係小生、花旦,還是綠葉做到咁上下都離巢,北上搵人仔。繼花旦胡杏兒早前證實唔再續約後,已經喺無綫效力咗30年、今年50歲嘅綠葉郭政鴻都離巢,提早同公司解約,有傳佢會北上加入一間年薪可賺過百萬嘅製作公司。

1985年喺藝員進修班出身嘅郭政鴻早前被傳,因為要養家嘅關係,私下上內地登台搵外快,被高層「樂大媽」樂易玲召見,迫佢提早解約,惟郭政鴻否認說法,佢話只係自己將會喺內地同馬來西亞嘅新發展同公司合約有抵觸,加上同公司新劇個擋期重疊,所以同樂易玲傾完之後,就被提議提早幾個月解約,強調會面氣氛和平。

郭政鴻補充,佢只係轉咗合約形式,如果之後有啱拍嘅劇同角色會再番無綫,但就唔肯透露係咪因為內地製作公司以年薪百萬利誘所以離巢,只肯話自己家庭負擔重,加上去到50歲一定要向錢看。
鍾意就快D Share啦!