2015年5月20日 星期三

背仔錫 含完巨鵰再咀台仔 連詩雅激嬲百億闊少男友 [FACE - 417] 連詩雅,MF,



新片《野狼與瑪莉》中, Shiga有唔少激情演出,呢一幕輕吻男主角張睿家額頭都只係濕濕碎。網上圖片

真面目

背仔錫 含完巨鵰再咀台仔 連詩雅激嬲百億闊少男友

FACE Pop率先爆出連詩雅含鵰預告片後,隨即引來網民熱烈討論,事關戲中女主角連詩雅 Shiga,除咗要用口含住類似男性性器官嘅台灣小食大鵰燒外,加上高潮樣真人呻吟聲,一個字「爆」!最近再有新相流出,不過呢次就冇上次咁激,只係激咀台仔張睿家。

愈拍愈激,本週五( 22日)在台灣上映的《野》片可謂收足宣傳之效,不過據聞 Shiga嘅百億闊少男友、麻雀大王後人石恆聰( Anthony),睇完預告片後就嬲到爆!

唔聲唔聲,《野》片本週五在台灣上映,下週就輪到馬來西亞上, Shiga亦去咗馬來西亞宣傳新戲,週日仲接受當地電台訪問,首次談「食嘢片」。雖然對含鵰一幕隻字不提,不過就好風騷咁話︰「裡面有啲誇張情節,都幾得意㗎!」

愈演愈激, Shiga喺新片半裸上陣兼用口含住類似男性性器官嘅台灣小食大鵰燒,男友 Anthony睇完唔嬲就假!網上圖片

新片破格演出, Shiga仲話:「裡面有啲誇張情節,都幾得意㗎!」未知係指邊方面呢?網上圖片

去年, Shiga被拍得孖住 6呎型男夜蒲老蘭,最後仲繑住返男方薄扶林碧瑤灣碧荔臺的住所,男方事後亦被起底,原來係「麻雀館大王」石鑑輝家族後人石恆聰( Anthony),坐擁百億身家㗎!《蘋果日報》圖片

台仔抄牌

拍完《喜愛夜蒲 2》,成功在影壇闖出名氣的 Shiga,新戲一部接一部,啱啱拍完葉念琛新片《沒女神探》,又緊接台灣新作《野狼與瑪莉》。新片改編自香港漫畫家鄭健和作品,配合原著有唔少血腥場面,不過高潮位始終係 Shiga含住大鵰燒一幕,加埋高潮樣同真人呻吟聲激情演出,巴打睇到嗌晒救命㗎!

之不過有人歡喜有人愁,據知 Shiga男友 Anthony睇完預告片,當堂激到紮紮跳,事關 Shiga去年承認二人關係後,曾應承過男友唔再拍性感戲,但轉眼就打破承諾,身為麻雀館大王後人的百億闊少 Anthony唔嬲就假!

身處馬來西亞宣傳新戲的 Shiga,週日( 17日)接受電台主持訪問時,對激情場口隻字不提,但直播訪問竟然播出完整電影預告,睇完之後, Shiga和主持都有些尷尬。主持人隨即拉開話題,不說大膽場面,轉問阿 Shiga在台灣拍攝時的趣事, Shiga說:「台灣人對我認識比較少,日常生活可以脫離歌手身份,可以做番 Shiga普通女仔嘅身份,好多年都未試過有男仔過嚟問我攞電話!突然之間有種少女嘅感覺!」仲要俾人抄牌添,小心闊少再嬲啲添呀!

上週三( 13日), Shiga一支公到商場「鳩鳴」,全種顯得悶悶不樂,未知是否已得知激嬲男友 Anthony呢?

未搭上有米男友 Anthony前, Shiga都係租住銅鑼灣劏房。

新居

成功搭上百億闊少男友 Anthony, Shiga即搬入月租 5萬的九龍塘豪宅碧荔臺,身份明顯升呢!

舊居

Shiga首次擔正華語電影,難怪佢到馬來西亞接受訪問時,好風騷大晒被台仔抄牌嘅戰績網上圖片

男友堅猛料

「麻雀大王」石鑑輝曾為四大華探長呂樂身邊紅人,退休後買下大量油尖旺物業, 13年更以 9300萬買下中環全幢物業,所持有物業市值已達百億港幣。由於家族開辦瑞興麻雀館,故享有「麻雀大王」外號,足見財雄勢大!而 Shiga男友 Anthony就正正係「麻雀大王」石鑑輝家族後人, Shiga仲同男友屋企人相熟,不時喺男友胞妹 fb度留言㗎!

Shiga男友 Anthony貴為「麻雀館大王」石鑑輝家族後人,家底坐擁百億港幣㗎!其 fb內公開的私照甚少,有都係要戴黑超,真係低調喎!網上圖片

Shiga唔只溝掂有米男友 Anthony,仲同佢屋企人相熟,不時用真名喺男友胞妹 fb留言。網上圖片

一向大膽

因拍攝《喜愛夜蒲 2》響朵, Shiga拍攝尺度亦愈來愈大,只不過話晒𠵱家有個百億闊少男友,唔顧自己都應該顧下男友面子好嘅!

新片《野狼與瑪莉》, Shiga唔只用個口含大鵰燒,加埋高潮樣同呻吟聲,係男人都睇到嘩嘩聲!網上圖片

Shiga喺《喜愛夜蒲 2》濕身肉搏關楚耀一幕,當時已經好矚目。網上圖片

Shiga同同門師兄周柏豪喺微電影《物•語女子》有激情戲份,唔只激咀仲有床戲添,成個騎上去㗎!網上圖片

鍾意就快D Share啦!
Related Posts Plugin for WordPress, Blogger...