全城熱爆的娛樂八封新聞 & 時事趣聞 & 生活 + 趣聞
大會活動講跑步， Stephy講方力申又要扮下友好望 Fiona，但係其實單身咗好多年嘅 Fiona，又知你同你男友啲咩呢？
一個係多年愛將，一個係新簽寵兒，呢期 Stephy同 Fiona去到邊，都俾人問爭做太陽娛樂一姐問題，你以為好尷尬？見識過兩位一姐同場，就知原來有人問，點都好過坐埋一齊冇話題。
同一間公司、同一種戲路，又唱歌出碟，兩個都俾人叫一姐，你話無競爭？我就唔信喇！不時擺到明無乜來往，硬係要俾人安排坐埋一齊、一齊接受訪問，全知言喺現場見到兩位唔熟扮熟，唔想對望又要有眼神接觸，真係隔住成行記者都覺得夾硬囉！
一話影單頭，兩個即刻彈開，阿 Fi自在好多，仲識講笑添：「等個天安排個一齊做運動俾我嘅男朋友都好！」
本來坐定一姐寶座，上年 Stephy加盟，一山藏二姐，以後大把戲睇。《蘋果日報》圖片
