2015年6月11日 星期四

拍劇上身 吳綺莉激動喊晒 [壹週刊 - 1318] 吳綺莉,M1,



吳綺莉煙癮大,等埋位幾乎煙不離手。

探熱針

拍劇上身 吳綺莉激動喊晒

吳綺莉母女關係開始由惡劣轉為穩定,卓林終於肯返屋企同阿媽住。為了分散對女兒的過度專注,吳綺莉寄情工作,除了到數碼電台做主持,近日再次埋位拍劇。回流返港拍過大台劇,被評戲屎 hea做的吳綺莉,上週五(六月五日)同美琪 BB(黃美琪)拍港台劇合演母女,一反常態,要激動有激動,要眼淚有眼淚,交到戲。

人生如戲,吳綺莉真情流露。

刨熟劇本

三十幾度高溫,在無瓦遮頭的天台埋位,吳綺莉同美琪 BB無處可避,乾煎!埋位前,性格慢熱的吳綺莉坐埋一邊,扯煙篤手機。

一二年離開大台,告別作是跟三哥苗僑偉、林峯合作《雷霆掃毒》,當時吳綺莉被同事噓爆,指她戲屎又 hea,頻頻 NG累街坊。事隔三年再拍劇,吳綺莉一早做定功課讀熟劇本,聽完導演講解場口,馬上「上身」,從後追住戴紫色假髮、玩 cosplay晒三吋事業線的美琪 BB。

飾演美琪 BB阿媽,吳綺莉分外投入,一 roll機即七情上面喊晒。

已滿約港視的美琪 BB deep V短裙上陣,露出北半球晒三吋事業線。

情緒到

劇情指「兩母女」在天台鬧交,吳綺莉情緒一到,鬧到現青筋,加埋兩行眼淚,導演三 take收貨。

「之前都聽過吓 Elaine(吳綺莉)做嘢麻麻,成日累人遲收工,但今日好爽喎,導演都讚佢個 mood keep得幾好添!」有份開工的幕後說。

換衫再拍跳樓場口,吳綺莉只需拍攝在天台呆望落街的鏡頭,至於「跳樓」重任,由假公仔代勞。吳綺莉對這位「替身」表現好奇,堅持留低睇,還拎出手機,為「替身」拍照留念。

收得工的吳綺莉,專登留低睇晒整場跳樓戲。

對假人「替身」好好奇,吳綺莉拍照留念。

母女和好

上月底吳卓林已搬回大埔與媽咪同住,兩母女早前到宜家買枕頭、家品。

現實生活中,吳綺莉與囡囡的關係終於轉入直路。上月底,卓林已搬返大埔屋企,本週日(七日),母女更孖咇到天水圍出席「特殊學習需要家長協會」活動,教小朋友畫畫。

提到同媽咪關係,卓林大方回應:「無嘢呀!」但吳綺莉仲有手尾跟,日內要為涉嫌虐女一案,到大埔警署續保。

鍾意就快D Share啦!
Related Posts Plugin for WordPress, Blogger...