全城熱爆的娛樂八封新聞 & 時事趣聞 & 生活 + 趣聞
2/6明顯係熟客嘅阿 Rain同中藥店職員好好傾。
長期留喺國內賺人仔嘅 Rain李彩樺，有 break就撲返香港休息，但無論去搵磚頭買，定行街使吓錢，佢都會搵 Rain媽做伴。
上個禮拜，《壹》仔一連幾日都撞到阿 Rain出動，其中兩日係母女咇。上星期二（二日），阿 Rain同 Rain媽去咗金鐘睇中醫，因為執藥需時，兩母女於是走過去太古廣場磨時間，等到夠鐘，就行番過去海富中心攞藥。兩大袋，兩母女一人抽一袋走。喺大陸拍劇話就話舒服過喺大台，但長期喺影廠過，冬冷夏焗，平日又冇阿媽湯水，唔少藝人都會好似阿 Rain咁，執定啲中藥帶出門，當保健，更何況，而家仲有新沙士殺埋身，做好強身準備，看實個門口，上策！
喺太古廣場 hea到夠鐘，兩母女返過海富中心攞住兩大袋藥走。
3/6第二日，阿 Rain拎住唔同色 Hermes包包行銅鑼灣，但陪行街嘅依然係 Rain媽。
