掃呢頁CODE去手機

2015年6月11日 星期四

偉仔嘉玲有來往 [壹週刊 - 1318] 嘉玲,梁朝偉,偉仔,劉嘉玲,M1,



同你吟一吟

偉仔嘉玲有來往

最近有人喺網上圖文並茂,話劉嘉玲搬離山頂愛巢同多年好友鄧霓儀(鄧肇堅孫女)喺 May Tower同居,又 post咗啲開 P相,話佢兩個成日招呼朋友返屋企。俾人話出櫃,劉嘉玲四個字反應:你有病嗎!

聽二五講過,嘉玲 May Tower個單位本來係租咗俾個 friend,後來因為屋苑維修,個 friend搬走咗,所以索性將舊居大執一次,方便招呼朋友。

朋友 gathering可以變成分居!上星期六(六月六日)英皇喺半島酒店吹雞叫咗關之琳、曾志偉、邱淑貞夫婦等人,賀劉嘉玲憑《杜老誌》攞咗第二十四屆香港舞台劇「最佳女主角」,唔鍾意應酬嘅梁朝偉亦在座,咁一定係俾劉嘉玲捉嚟闢謠喇!

事隔兩日(八日),就輪到劉嘉玲回禮,陪梁朝偉去法國駐港領事官邸,接受「法國藝術與文學軍官勳章」,對於嘉玲同鄧霓儀同居單料,偉仔氣定神閒:「我哋幾十年咩風浪未見過!」

之唔係,原來梁生梁太仲有來有往㗎!娛圈料,咪太認真。

梁朝偉撐完老婆攞獎後兩日(六月八日),自己亦獲法國頒贈「法國藝術與文學軍官勳章」,劉嘉玲盛妝做跟得夫人,仲開心到即場錫老公一啖。

做舞台劇,付出時間多,酬勞又有限,賺咗滿足感仲攞埋最佳女主角嘅劉嘉玲感激導演毛俊輝(右二)外,仲有對手梁家輝同謝君豪(右三)。

志偉嘉玲就算二十指緊扣,都一定唔會俾人話有路。

偉仔受勳,外母嘉玲媽(左三)、偉仔媽(左二)、細妹、妹夫帶埋外甥女全家觀禮。

鍾意就快D Share啦!