中田英壽講女黑面 [壹週刊 - 1318] 中田英壽,M1,

同你吟一吟

中田英壽講女黑面

前日本國腳中田英壽上個禮拜嚟咗香港出席珠寶活動，唔踢波，中田一樣大把錢途。六月四日落機當日，因為做唔到訪問，中田笑晒同在場記者講 sorry；下午，工作人員陪佢行中環置地，見到有記者，中田繼續笑晒行返去新文華酒店，沿途任影。

到咗夜晚活動，原本心情都好好，但記者一提到前緋聞女友 Amanda S.，都未開到口問問題，中田即刻黑面轉身射死球，鬧記者可唔可以問番有關活動嘅問題。

每個人都有自己嘅價值，中田英壽已經掛靴，值得大家好奇嘅，就係緋聞；唔問 Amanda S.，咁講吓 Maggie Q好冇？

兩名珠寶品牌外籍高層帶中田行置地，中田笑晒心情大靚。

夜晚出活動，聽到記者提起舊愛 Amanda S.，中田即黑面。

鍾意就快D Share啦！

下一篇 》