全城熱爆的娛樂八封新聞 & 時事趣聞 & 生活 + 趣聞
等車期間，幪面諸葛紫岐只係顧住篤手機，負責睇仔嘅薛嘉麟就𠌥前同囝囝玩。
由 model變模媽，最近仲話投資咗幾億，响北京搞娛樂製作公司自己做老闆嘅諸葛紫岐，成日都話自己好忙好忙，忙過以前做 model，上個禮拜三（六月三日），大忙人終於唧到時間，同老公薛嘉麟一齊湊埋個仔出街。
每次一家三口出動，抱仔粗重功夫，永遠係老公負責，諸葛紫岐就例牌黑超口罩。當日如是，响中環置地等司機車，囝囝 Arthur坐住 BB車，老豆薛嘉麟睇實，諸葛紫岐就攞住部手機同兩父子影相。司機到，諸葛紫岐第一時間自己行上車，仲要揀近行人路嗰邊車門，殿後嘅薛嘉麟唯有抱住囝囝，行出去近馬路嗰邊車門上車。做人阿媽咁冇心肝！我係你老爺奶奶，肯定家法侍候！
覆完 message，諸葛紫岐終於有時間幫兩父子影吓相。
司機車到，諸葛紫岐一馬當先，父子跟後。
之前諸葛母子出動，外傭負責抱 B，阿媽繼續幪面。
諸葛紫岐選擇近行人路嗰邊車門上車，要兩父子行出馬路邊。
