鍾麗緹（Christy）年屆45歲，到今時今日仍然被封性感女神，即使結過兩次婚，生咗三個女，但身邊都不乏追求者。日前鍾麗緹現身山頂，被傳媒影到同內地男星張倫碩甜蜜拍拖。
近年長居北京，甚少喺香港蒲頭嘅Christy，日前同年紀比佢細12年嘅張倫碩一齊上山頂玩。當日Christy著住短裙大晒美腿，同張倫碩一樣以黑白色造形現襯到絕。其間佢哋去咗一間首飾店內揀手鏈，Christy不時詢問男方意見，張倫碩又會幫Christy揀吓款，仲好貼心咁幫Christy戴。揀好手鏈之後，佢兩個忽然即興玩拗手瓜，乘機拖吓手仔，好Sweet啊。
買完首飾，兩個小情人就行去咖啡店，沿途張倫碩見有好多遊客，即刻輕輕掂一掂Christy隻手仔，提提佢小心被人撞到。經過舊纜車展品嗰陣，Christy又好興奮咁話要影相，張倫碩二話不說拎出手機，Christy隨即model上身狂擺甫士，嘟晒嘴咁好鬼cute。影完相梗係要睇相啦，Christy把握機會繑住男方一齊睇相，呢個時候張倫碩都忍不住喇，伸手搭住Christy膊頭。終於去到咖啡店，Christy又話要影相，不過今次再進一步，係要同張倫碩玩自拍，影完相張倫碩仲幫Christy戴頸鏈，再互相幫對方戴手鏈，十足熱戀中嘅情侶。
近年長居北京，甚少喺香港蒲頭嘅Christy，日前同年紀比佢細12年嘅張倫碩一齊上山頂玩。當日Christy著住短裙大晒美腿，同張倫碩一樣以黑白色造形現襯到絕。其間佢哋去咗一間首飾店內揀手鏈，Christy不時詢問男方意見，張倫碩又會幫Christy揀吓款，仲好貼心咁幫Christy戴。揀好手鏈之後，佢兩個忽然即興玩拗手瓜，乘機拖吓手仔，好Sweet啊。
買完首飾，兩個小情人就行去咖啡店，沿途張倫碩見有好多遊客，即刻輕輕掂一掂Christy隻手仔，提提佢小心被人撞到。經過舊纜車展品嗰陣，Christy又好興奮咁話要影相，張倫碩二話不說拎出手機，Christy隨即model上身狂擺甫士，嘟晒嘴咁好鬼cute。影完相梗係要睇相啦，Christy把握機會繑住男方一齊睇相，呢個時候張倫碩都忍不住喇，伸手搭住Christy膊頭。終於去到咖啡店，Christy又話要影相，不過今次再進一步，係要同張倫碩玩自拍，影完相張倫碩仲幫Christy戴頸鏈，再互相幫對方戴手鏈，十足熱戀中嘅情侶。
|
鍾意就快D Share啦！
|
|
|
