角色扮演 紋身扮地盤妹 JM：食煙食到嘔 [FACE - 421] JM,文詠珊,MF,

JM為配合戲中地盤妹角色，仲專登揀咗啡色濾嘴嘅紅萬，試過拍一 take食超過 10支煙，真係口都臭！

JM搵嚟巴黎當地紋身師用紋身墨水畫上圖案，一啲都唔馬虎。

真面目

角色扮演　紋身扮地盤妹　 JM：食煙食到嘔

文詠珊（ Janice Man）去年轉投由 Paco黃柏高打骰的太陽娛樂，之後開埋個人製作室接 job，最近仲殺入強國市場拍劇賺人仔，飛甩黎明似乎仲好景！

最近 JM又有新作品出街，今次仲係做一個好有性格嘅地盤妹！為配合角色造型， JM都有好大付出，每次要用足 3個鐘染髮同紋身，同時仲要食住紅萬揸電單車，都咪話唔辛苦！難怪 JM都話：「一個 take食咗起碼 10支煙，真係食到想嘔！」

密密接戲，成功轉型嘅 JM上年憑住《那夜凌晨，我坐上了旺角開往大埔的紅 van》騷到演技，而在電影《赤道》飾演嘅打女角色，連舒淇都開 post點名力讚！到新戲古天樂有份投資的《巴黎假期》，在片中演地盤妹角色，亦一樣有挑戰。

JM新戲飾演地盤妹，大家又見過咁索嘅地盤工人未？

新戲《巴黎假期》由古天樂同台灣女神郭采潔（左）擔任男女主角，雖然開鏡當日 JM帶病上陣，不過一樣照撐！

早前， JM為咗《赤道》打女角色密密操兵，一有時間就緞練體能，舒淇睇完其演出後，仲開 post激讚其表現添！網上圖片

學揸戰車

唔識揸電單車，又要樣型，所以 JM拍攝前喺酒店將勤補拙，多加練習上落車同帶頭盔等動作，務求達到逼真效果。

首選啡色濾嘴紅萬

《巴黎假期》由型男古天樂同台灣索女郭采潔擔正， JM拍攝時仲係帶病上陣，不過一樣為角色搏到盡，戲中 JM首次飾演麻甩地盤妹，單係造型就好大付出，每次用 3個鐘頭將頭髮染色，又要紋身師用 3個鐘紋上圖案。 JM話：「為咗逼真效果，唔用紋身貼紙，改用紋身師親手用紋身墨水畫出嚟，像真度都會高啲。」至於講到最大困難，就一定離唔開「食煙」二字， JM仲話：「對食煙有好深刻印象，戲中做地盤妹，角色好粗豪，所以覺得食煙要食啡色濾嘴嘅紅萬！不過自己頂唔順紅萬，一個 take食咗超過 10支，真係食到想嘔！」

造型認真， JM更要揸電單車扮粗豪，她說：「事前喺酒店不停練習點樣除帶頭盔而唔整亂髮型，先可以熟能生巧，亦要配合一啲動作，好似點樣跨過去同開車。」

JM喺強國劇接劇，現今正拍攝《蜀山戰紀之劍俠傳奇》，同劇合作演員有最近在內地爆紅嘅陳偉霆。網上圖片

JM慢慢喺內地闖出名氣，剛剛又拍罷完劇集《畢業歌》。

去年 JM以 3千萬加盟 Paco黃柏高打骰嘅太陽娛樂，其後又開設個人工作室，想發圍咁款！《蘋果日報》圖片

JM最近喺強國密密拍劇賺人仔，今月初終於有時間歇一歇，食 lunch都要歎龍蝦，擦番夠本！

孖妹唔同路

JM同 Angelababy出道初時，經常孖公仔出席活動，之後就慢慢演變成對手，各有各發展，家陣 baby做咗黃太，而 JM影壇成績愈來愈好，雖然每部戲都好大犧牲，不過都得到網民激讚，咩都抵番

上月， Angelababy同男友黃曉明喺微博大晒二人結婚證， 10月就會擺埋酒。網上圖片

JM喺《赤道》飾演打女角色，事前都特登緞練身手，拍攝時亦拳拳到肉，一啲唔講得笑。

JM喺《那夜凌晨，我坐上了旺角開往大埔的紅 van》素顏出鏡，演技有發揮，唔少網民都激讚！

鍾意就快D Share啦！

下一篇 》