全城熱爆的娛樂八封新聞 & 時事趣聞 & 生活 + 趣聞
拎住一袋二袋，加上着住平底涼鞋，袁嘉敏肥美小腿即時現晒形。
憑《鴨王》彈出，擁 34D嘅袁嘉敏總算吐氣揚眉威番次，即使喺內地夜場俾客揸胸又摸面，但就收入激增，日前被雜誌影到睇月租近 5萬嘅山頂樓。
6年前選美時仲住緊劏房，今日已經搬咗上四百呎唐樓。上週四（ 11日）袁嘉敏現身中環，拎住一袋二袋論論盡盡咁行返屋企，去到伊利近街，袁嘉敏一個轉身入咗一個有時鐘酒店招牌嘅唐樓入口！全知言即時嚇一嚇，不過睇真啲其實只得一層係酒店，其餘都真係住宅嚟！袁嘉敏一心要住山頂豪宅，自私啲諗，鄰居會唔會介意呢？
唐樓門口同外圍都有大個酒店招牌，身為公眾人物嘅袁嘉敏照樣租住，係咪想 keep住俾人有幻想呢？
準備返屋企嘅袁嘉敏突然呆企中環街邊，唔通都睇中附近嘅樓？
因為一套《鴨王》令袁嘉敏彈出，雖然香港唔多見佢有 job，不過內地登台騷就長接長有，據知偏遠地方會俾 12萬一場，勁好賺！網上圖片
