| 神劇《他來自江湖》爆笑度十足，相信一定可以繼《大時代》後再掀熱潮。 | next 1/1 pre |
 | |
| 雖然就咁睇文字描述，呢場戲未必咁好笑，但係經過周星馳嘅神級搞笑演繹，就當堂成套劇唔同晒。 | next 1/1 pre |
 | |
| 《他》劇嘅成功，除咗周星馳，萬梓良（左）亦功不可沒。 | next 1/1 pre |
 | |
| 吳孟達呢吓無厘頭耍功夫，都好值得重溫架。 | next 1/1 pre |
 | |
| 周星馳咀毛舜筠？呢個配搭隔咗咁多年再睇番，係咪依然覺得好新鮮呢？ | next 1/1 pre |
 | |
| 就係呢一幕，有網民聲稱呢一幕有對白「被消失」，但myty就全部對白足本睇到，點解嘅？ | next 1/1 pre |
 | |
| 梅小惠呢一幕，隔咗咁多年都仲記憶猶新。 | next 1/1 pre |
 | |
| 周星馳呢個苦悶樣，絕！ | next 1/1 pre |
周星馳有份演出嘅無綫神劇《他來自江湖》，接「丁蟹」棒於深夜時段重播，首集收視高達5.64點，逾36萬人深夜熱捧「何鑫淼」，其中兩個場口，仲惹起網友熱議添。
其中一場，就係講飾演的士司機嘅周星馳，臨交更前遇到麻煩大嬸，帶住幾隻雞仔上車，仲用法律威脅佢唔可以拒載。到咗目的地之後，位大嬸好囂張咁畀多一毫子貼士，唔服氣嘅周星馳，即時其人之道還治其人之身，要大嬸幫每隻雞仔畀番兩蚊附加費，搞到大嬸勁激氣。呢個時候，順便溫馨提示大家，由於物價上漲，依家動物（包括雀仔）搭的士都係逐隻計錢，而相關附加費，已經由2蚊升到5蚊喇！
有忠實「星迷」，仲喺網上聲稱發現有對白被Cut，就係：「係咪想我炳你鑊甘，甘都冇咁甘？死笨橙！」不過《東網》記者今日喺無綫嘅官方網站mytv，就發現「原汁原味」足本版，相關對白亦冇被消失。
而全套劇嘅必睇位，就一定係自稱「情場鬼見愁」嘅周星馳，同「甩頭芝」梅小惠呢對歡喜冤家。大結局度，小惠因為陰差陽錯畀周星馳扑到頭破血流，當時周星馳嗰句：「如果冇人要你，我要你囉！」再加上小惠嘅神回：「你放心我冇人要㗎！」相信唔少七十後，到依家都仲好記得句對白。
梅小惠接受《東網》電話訪問時，就大爆當年拍扑頭戲時嘅秘聞：「當日拍完已經好夜，工作人員都收哂工，冇得落妝，我成頭血咁由清水灣電視城行出去截的士，仲要着住白色衫，啲的士都唔肯載我。」梅小惠還大讚周星馳有感染力。
談到早前邵仲衡因《大時代》「翻Hit」賺到手軟，小惠表示絕對歡迎找她工作：「個價就要畀多啲我會全數捐出，用嚟做善事。」
|
鍾意就快D Share啦！
|
|
|
