花心周志文斷米路 舊愛 CoCo：佢話唔開心 [FACE - 421] 周志文,MF,

當日 32度，袁紫僑（ Coco）同簡淑兒一齊喺上環拍 MV，劇情就講 Coco幫簡淑兒追宅男，其實講咩都冇所謂啦，你哋都係睇身材嘅啫！

全知言

花心周志文斷米路　舊愛 CoCo：佢話唔開心

近年韓風勁，就算唔係 BIGBANG，其他女子組合好似少時、 After School、 T-ara都攻陷香港，其實本土都有索女組合㗎！好似一班周秀娜師妹組成嘅「少女標本」，家下都準備出碟，仲拍埋微電影 MV。

CoCo袁紫僑（前名袁聖殷）即係周志文舊愛，早前就喺上環拍新歌〈幾百萬份之一〉 MV，以前同大孖一齊嗰陣，行清純路線，𠵱家就變性感 rock女，雖然當年被花心大孖傷透，但 CoCo對舊愛都好維護，「知佢𠵱家工作上有啲唔順景，我都有打過電話俾佢，佢都話唔開心，（覺唔覺佢太花心累到自己？）做呢行就比較容易接觸異性，佢可以處理得再好啲嘅！」當年又索又有家底嘅 CoCo死心塌地，如今大孖連事業都危危乎，真係風水輪流轉。

袁紫僑當年同大孖周志文打得火熱，可惜大孖背住佢溝馬賽，最後搞到分手。

「少女標本」為 Chrissie師妹， 4個之中以許雅婷（ Kabby）暫時跑出，起碼拍過電影同郭富城傳過緋聞，但簡淑兒喺高登都相當受歡迎。

民主黨區議員兼人氣作家鄺俊宇喺 MV飾演宅男，同「少女標本」 4位成員都有對手戲，恨死啲宅男不過鄺俊宇擅寫潮文，喺網上都好受歡迎， fb專頁都超過 12萬粉絲，多過「少女標本」㗎！

舊愛大孖𠵱家喺大台吊命冇嘢撈，反而 Coco就被公司力捧，拍 MV當日成隊兵招呼，幾有一姐風範。

鍾意就快D Share啦！

下一篇 》