好多兵 未選贏晒 劍橋 2男爭十優港姐 [FACE - 421] 港姐,MF,

今年 1月麥明詩同疑似男友 Kenneth Hui一齊出席舞會， Kenneth仲攬住麥明詩影㗎，而麥明詩亦有在 fb讚好。網上圖片

真面目

好多兵　未選贏晒　劍橋 2男爭十優港姐

前年一個港姐冠軍陳凱琳，有樣有身家又多人 like，已經令人覺得上天唔公平，點知上週港姐首輪面試，出現咗個更屈機佳麗，佢就係劍橋法律系畢業生麥明詩 Louisa，除咗出身劍橋仲係女拔 10優生，樣子甜美，身材又均稱，大台有咁好質索佳麗認真執到。

又靚又叻嘅麥明詩，當然裙下兵仔無數，據知有兩位劍橋仔對麥明詩相當嗒糖，其中一位叫 Kenneth的劍橋同學，更有幸跟女神坐船夜遊，巧浪漫喎！

其他影片：>>好多高學歷㗎　港姐都有個哈佛小甜甜

出席完舞會，二人仲一齊划艇，劍橋生談情都有品味過人，你估港仔港女去唱 K咁膚淺咩。網上圖片

09年麥明詩揸住 10優成績單接受傳媒訪問，當日佢話：「想做高官，可能律政司，甚至諗過做女特首。」真係唔明𠵱家點解會選咗港姐？《蘋果日報》圖片

上週四(11日)港姐首輪面試，最標青肯定係有「高䠷 Charlie」之稱嘅麥明詩 Louisa，當日麥明詩憑 pure外形，輕易上位，之後仲被極速起底，原來係女拔 10優高材生，上年仲喺英國劍橋大學法律系畢業，屋企亦係書香世代，爸爸係聖公會林護紀念中學的副校長，母親係職業治療師，完全係「屈機」背景，未選已經贏晒！

雖然 Kenneth Hui似足麥明詩男友，但據知同屬劍橋就讀化學系嘅 Paddy Szeto對麥明詩亦相當嗒糖。網上圖片

Kenneth唔只讀書叻，連打鼓都識，文武全才喎！網上圖片

麥明詩 facebook封面照片，雖然用咗同朋友合照，但細心睇下，其實係搣住 Kenneth塊面㗎，真係恨死宅男。網上圖片

麥明詩同 Kenneth成日黐住，仲一齊玩 card game。唔係鋤 D、鬥地主呀，係玩三國殺呀。網上圖片

麥明詩原來亦同過前無綫新聞主播周嘉儀合照，網民仲讚佢同嘉儀 BB一樣咁索。網上圖片

舞會攬住

24歲的麥明詩自小目標明確，喺訪問中話過：「我想名留青史， made a difference！」當時考到 10優亦表示過想從政做女高官甚至女特首，唔知點解突然又想選港姐！麥明詩有樣有學識，自然多男仔追，據知她與法律系同學 Kenneth Hui相當投契，二人仲一齊出席畢業晚會， Kenneth仲攬住麥明詩影相，而呢位 Kenneth Hui唔只讀書叻，亦玩 band打鼓，有墨水又識 rock，咁有吸引力唔怪得同女神咁 close啦。

不過麥明詩叫得做女神，除咗 Kenneth外，原來仲有位叫 Paddy Szeto嘅劍橋化學系男仔對女神好嗒糖。據知 Paddy試過邀請麥明詩喺 facebook改為 in a relationship，不過麥明詩唔肯！女神個心喺邊個度，好明顯喎！

由細靚到大

麥明詩爆紅自然被起底，舊相流出係常識，不過對比𠵱家個樣其實分別唔大，變靚咗都係因為識打扮啫，最緊要網民覺得你靚得天然就 ok

上星期面試，麥明詩大方又得體，輕易變成焦點。網上圖片

未上大學前，麥明詩未識打扮，中學時一臉稚氣。網上圖片

麥明詩除咗讀書叻，從事職業治療師嘅母親，亦鼓勵佢參加課外活動，所以麥明詩自細亦學芭蕾舞。網上圖片

麥明詩在一大專交流會上同梁振英合照，同場仲有李國寶、林奮強。網上圖片

鍾意就快D Share啦！

下一篇 》