掃呢頁CODE去手機

2015年6月24日 星期三

情場騙子 賤男求正印復合 張景淳扮單身溝 Regen [FACE - 422] Regen,張景淳,張惠雅,MF,



Regen無端端被指一腳踏兩船,揀咗林夕寫嘅《是非疲勞》慰藉創傷心靈。

真面目

情場騙子 賤男求正印復合 張景淳扮單身溝 Regen

繼林欣彤遭到前男友家暴後,最近娛圈又新增一個案例,前 HotCha成員 Regen張惠雅,被指一腳踏兩船,懵盛盛做咗小三,原來真相又有另一版本㗎!

據知,張景淳一邊瞞住華姐正印宋雙佳,一邊就扮單身力追 Regen,仲向同劇演員拍晒心口話自己 single添!不過紙始終包唔住火,事情揚開後,張景淳急急腳向正印宋雙佳箍煲。上週六, Regen頹爆單拖飲咖啡,睇嚟下次要帶眼識人

26歲 Regen近年轉戰拍劇發展,事業亦漸見起色,同時間桃花亦唔少,去年更首度同圈外男友 Esta(沈瞳伽)十指緊扣拍拖示人,不過二人戀情只維持半年時間就宣布結束。

Regen心事重重,睇睇下書仲伏咗喺張枱冷靜。

《是非疲勞》係詞神林夕於 13年出版嘅書籍,林夕喺書中將日常發生嘅是非問題變成選擇題,換成另一方式解決。

想齊人之福

經過同 Neway大少薛世恒傳出緋聞一役, Regen自此對感情事明顯小心得多。講到同圈外前男友 Esta分手原因,原來其暴躁脾氣同性格係最大死因, Regen接受本刊訪問時說:「其實我同對上男朋友年紀相差好大,佢細過我一截(男方 21歲),好多立場同價值觀都唔一樣,對方有唔成熟地方好正常,大家都有缺點同脾氣,嘗試拍拖半年,最後唔夾就分開咗。」

至於被指一腳踏兩船嚴重指控, Regen鄭重作出澄清,「大概聖誕節先(同張景淳)一齊,開始之前,自己都有搞清楚大家都係單身,朋友都知我好執著呢樣嘢,自己都只係想簡簡單單、清清楚楚先會開始,當時都唔只我一個人知道,同劇演員都有聽過佢講,張景淳都有同佢哋承認單身狀況。」據知事實真相正如 Regen所講,張景淳追緊 Regen嘅時候,出口術呃佢扮單身,� f住正印女友宋雙佳,令到原本都係受害人嘅 Regen,反而變為一腳踏兩船的罪人;而 Regen亦在今年情人節前,因性格不合主動向張景淳提出分手。

宋雙佳參加國際中華小姐選舉入行,現為大台旗下藝員,有樣貌之餘,身材亦唔錯,有指同張景淳拍拖至今,一直都係女尊男卑。《蘋果日報》圖片

喊求復合

張景淳當初瞞住正印宋雙佳力追 Regen,以為可以瞞天過海,享受齊人之福,勢估唔到事件會被揚開去,女友知道後梗係大發雷霆,賤男張景淳急急腳補鑊求原諒。《蘋果日報》圖片

去年, Regen被拍得拖住圈外男友 Esta甜蜜遊街,不過二人戀情最終只維持半年時間;而問到家暴一事, Regen仍然好維護前度,只係話大家都有缺點同脾氣,唔夾先分開。圖片

「想搵個安定嘅對象」

上週六( 20日),本刊撞見 Regen一支公飲咖啡,塊面苦過苦瓜乾,全程匿埋一角「刨」住林夕本《是非疲勞》, Regen承認心情有受影響,她說:「唔開心一定有!自己年紀又唔細,都想搵個安定嘅對象,唔夾嘅時候會覺得好可惜,有咁多不實報導纏繞自己,自己都會唔開心!」

Regen同張景淳不時孖住出席活動,每次都只是企埋一邊,男方一直唔敢公開。網上圖片

Regen同張景淳因合作拍劇集《潮拜武當》而相熟,有指男方當時力追 Regen,同時仲向同劇演員如 Toby、蔚雨芯、洪天明等表明單身狀況,向 Regen大派定心丸。網上圖片

上週五( 19日),《潮拜武當》台前幕後相約食飯睇大結局,不過當晚張景淳就聲稱因病缺席,明顯唔想與 Regen同場。網上圖片

高攀阿佘

張景淳因為《天與地》「家明」一角彈起,至今出道已經 12年,其溝女戰績亦唔輸蝕,把口啷過油,講到最威水都係同阿佘傳過緋聞

張景淳因大台劇集《天與地》,飾演家明一角人氣急升,之後人人都叫佢「家明」。

因合作《天與地》而同佘詩曼傳緋聞,不過點高攀到視后?

同正印宋雙佳拍拖長達 5年,最近被拍得公然在街上講數,哭求復合。

衰嘢愈揭愈多,早前有讀者報料,公開數爆張景淳當年喺加拿大暴行,仲有傳他出手打前度兼周圍溝女添!《蘋果日報》圖片

鍾意就快D Share啦!