掃呢頁CODE去手機

2015年7月10日 星期五

呢啲咪專業囉! [忽然1周 - 1041] MW,



媽咪姐

呢啲咪專業囉!

周一( 6日)晚,保良局嘅慈善活動以上海之夜做主題。咁主題嘅嘢,梗係有人跟,有人自有主張不過一班明星名人始終係專業嘅,只係範疇唔同,各有目的啫。

吳千語 升呢專家

21歲嘅千語 BB,入行以嚟,唔見代表作,但 so what!佢由十幾歲開始,已經進擊「富二代」,同富貴男友同居。依家同峯少亦四處旅行 shopping,最近仲成功爭取親近何家千金,同超盈孖住玩。係咪犀利先!

當超盈戴到周身閃嘅時候,千語 BB都有大大隻鑽戒㗎。峯峯豬真大方!

除咗同超盈混熟,千語 BB仲同超蓮齊齊敷 mask, friend到呢。

向太 無敵阿媽

之前向佐被追債,向太煩到暈!不過呢晚佢成套翡翠上身,行出嚟四萬咁口,依然霸氣十足,阿嫂果然係阿嫂。

汪圓圓 專業新抱

汪圓圓前年做咗玩具大王蔡志明新抱後,火速生咗囡囡 Celine,依家又有咗 3個月嘞!睇吓貪靚嘅佢連指甲油都唔搽,梗係驚影響 BB啦。咁乖,抵奶奶同老公錫晒你!

李連杰 至尊嘉賓

睇勻全場,李連杰呢身裝束真係無得頂!一身唐裝,仲襯埋功夫鞋,完全係當年大上海嘅麻甩佬打扮。唔扮嘢, like呀!

鍾意就快D Share啦!