掃呢頁CODE去手機

2015年7月10日 星期五

龐卓欣全副身家俾晒麥明詩 [忽然1周 - 1041] 麥明詩,龐卓欣,MW,



幫手挽袋

麥明詩都幾好人,幫人睇住啲袋。

媽咪姐

龐卓欣全副身家俾晒麥明詩

最新一屆「港姐」終於公布 12位入圍佳麗名單,話咁快喺周二( 7日)佢哋就出發去日本,拍外景同集訓。








媽咪姐有去送佢哋機,見到之前傳不和嘅「女拔校友」 1號麥明詩同 4號龐卓欣企埋一齊。大家以為佢哋識咗十幾年但唔 friend,原來係誤會嚟㗎。雖然佢哋冇好似一般港女咁,出發前要攬頭攬頸自拍打卡,但媽咪姐見到龐卓欣行開一陣,「十優港姐」麥明詩就好主動咁幫佢睇住啲行李,龐小姐仲連裝住銀包同護照嘅手袋都放低埋。而麥明詩一直幫佢挽住冇放低過。唔當對方係朋友,邊會咁緊張吖?

後尾發現,麥明詩拎住嘅手袋,原來係舊同學龐卓欣嘅。嘩!成個手袋都咁放心交俾麥明詩,又幾老友喎!

港姐晒冷

12位入圍佳麗喺周二( 7日)出發去日本集訓,佢哋話帶咗好多靚衫去喎!

奶茶增肥

龐卓欣要去拍外景,照計都有唔少泳裝環節,但佢好少理,出發前仲係 1日 1杯奶茶,睇嚟對自己身材好有信心吓喎!

「大媽」掃貨

查實唔只強國「大媽」鍾意買藥,睇吓呢班港姐吖,上機前見有少少時間,都去掃番幾支防曬。

8號程莉欣臨出發前要去補貨,買 M巾同薄荷糖,呢啲嘢唔係應該屋企有存貨嘅咩?

液體唔可以帶過關,一班港姐就喺閘口飲晒支水,完全唔嘥嘢!美貌與慳家並重呀。

鍾意就快D Share啦!